USA Iranilu sorsulinngitsoornavianngitsut
22. januar 2007 07:27
Iranip atomip nukinganik atuiniarnera pissutigalugu USA-p sakkutooqarnikkut iliuuseqalersaarnera sorsunnivimmik kinguneqarsinnaavoq.
Taama oqarpoq USA-mi nunanut allanut ministereqarfiup anngiortumik pasiniaasarfiani siunnersortaasimasoq, kangianillu qiterlermik immikut ilisimasalik, Wayne White.
- Pilersaarutit ilaat takoreerpakka, nakkutilliisussaannarnillu Iranimut sakkutuunik aallartitsisoqarnavianngilaq, USA Iranimut aallartitsissappat sorsunneqalissaaq, Wayne White kangiani qiterlermi pissutsit pillugit USA-mi eqqarsaqqissaartartunut uppernarsaavoq.
