Aalisarnermut siunnersuisoqatigiit siulittaasortaarput

Aalisarneq pillugu Siunnersuisoqatigiit siullermeerlutik ataatsimiikkamik Kalaallit Nunaanni Aalisartut Piniartullu Kattuffiata KNAPK-p pisortaa Peter S. Olsen siulittaasussamittut toqqarpaat.

Siulittaasup tullia tassaavoq Aalisariutinik Piginneqatigiit Kattuffianni, naalisarlugu APK-mi pisortaq Peder Munk Pedersen.

Siulittaasoq APK-mit KNAPK-millu paarlakaattumik toqqarneqartarpoq.

Aalisarneq pillugu Siunnersuisoqatigiit aalisarnermi soqutigisaqaqatigiinnit katitigaasut suliani aalisarnermut tunngasuni Naalakkersuisunut siunnersuisarnissaq suliassaraat.