Niuffaffissat allat ujartoqquai

Puisit amiinik EU-mut eqqussuinnginnissaq pillugu peqqussut EU-Kommissionip akuerivaa. Puisit amii naggueqatigiit Inuit pisarisimasaat pillugit peqqussut immikkut ittumik piumasaqaatitaqarpoq, taamaattoq Aalisarnermut Piniarnermut Nunalerinermullu Naalakkersuisup Finn Karlsenip puisit amiinik niuffaffissanik nutaanik periarfissarsioqqusilluni kaammattuivoq.
Skrevet af Mads Lynge
30. juli 2008 17:00

Peqqussummi piumasaqaatitut oqaasertaliussami ilaatigut ima allaqqasoqaraluarpoq: ”Puisinit nioqqutissiat inuiaqatigiit inuit ileqquusumik piniartarnerannit pisuusut inuuniarnermullu siunertaqartut malittarisassani ukunani inerteqqutaasunut ilaassanngillat”. tamannali Kalaallit Nunaanniit avammut puisit amiinik nioqquteqarnermi ammit nalunaaqqutsersorneqartanerisigut atatillugu arlalitsigut allannguisoqarnernik kinguneqassaaq.

- Allagartalersuineq sakkortoqisumik piumasaqaataalluni ingerlanneqassaaq, piffissamilu qaninnerusumi Kalaallit Nunanni tamanna qanoq aaqqissuunneqassanersoq eqqarsaatigisariaqarpoq, Finn Karlsen tusagassiuutinut nalunaarummi allappoq.

Allagartalersuinerit atuutilernerisa kingunerisaanik aningaasatigut qanoq kinguneqartitsissanersoq suli ilisimaneqanngilaq.

Peqqussulli atuutilersoq WTO-mi, nunat tamalaat niueqatigiinnikkut suleqatigiiffiata, maleruagassaanut naapertuutinngilaq, Finn Karlsen aamma allappoq.

- Puisit amiinik suliffeqarfiit kaammattussavakka niuffaffinnut allanut EU-p avataaniittunut isiginiarneroqqullugit, niuerfissatut periarfissaapput Rusland, Kina aamma Kangiani nunat allat, Finn Karlsen allappoq.

2008-mut aningaasanut inatsimmi 29,9 millioni koruuninik puisit amiinut tapiissuteqartoqarnissaanut aningaasaliisoqarnikuuvoq.

Læs også

Døgnrapport: Indbrud og flere forsøg på indbrud natten igennem