Kinami immuit toqunartumik akoorneqarunnaartut
Melamin plastikkiliornermi akuutissatut atorneqartarpoq immunnullu nalequttuunani, Kinamilu immuit taamatut akoorineqarsimanerat meeraaqqat sisamat toqqutigereerpaat meeqqallu 53.000 napparsimalersimallutik.
Immuit assigiinngitsut 609-it akornanni tigusillattaarinikkut misissuinerit inernerisa takutippaat melamin-imik akoorineq unitsinneqarsimasoq, immuillu toqunartuerussimasut.
Kinami immuit akuutissalersorneqartarnerat paasineqarmat nunalerinermut naalakkersuisup pisortaqarfinni atorfillit 152.000-it soraarsippai, immunnillu katersuiviit 19.000 immikkut misissuiffigisillugit.
EU-milu immummik meeqqanut nerisassiat imerneqarsinnaasullu tamarmik eqqussoqqusaajunnaarlugit aalajangiisoqarpoq.