Danmarkimi manniit akuutissaqanngitsussaagaluit navianartumik PFAS-imik akuutissartaqartut
Manniit akuutissartaqanngitsussat ukiuni kingullerni pisiortorneqaleraluttuinnarput, Danmarkimili tamarmi manniit akuutissartaqanngitsussaagaluit navianartumik PFAS-eqangaatsiartut paasisat kingulliit takutippaat.
Danmarkimi inuussutissat pillugit instituti DTU Fødevarestyrelselu misissuereerlutik tusagassiuutinut taama nalunaarput.
AAMMA ATUARUK Toqunartoq nannup qarasaanut ingerlaartarpoq
Ilimagineqarporlu kukkukuunik nerlersuinermi akuutissaq taanna aalisakkanik qajuusaasianeersuusoq, taamaalilluni manninnut annguttarsimassasoq.
Akuutissarlu taanna pasineqarpoq nappaaterpassuarnut assigiinngitsunut pilersitsisuusartoq, soorlu assersuutigalugu tingullunnernut kræftimut kinguaassiorsinnaanermullu aamma akornusiisinnaalluni.