Akuutissaq, PFAS, pasineqarpoq nappaaterpassuarnut assigiinngitsunut pilersitsisuusartoq, soorlu assersuutigalugu tingullunnernut kræftimut kinguaassiorsinnaanermullu aamma akornusiisinnaalluni.Foto: mjmonty/flickr

Danmarkimi manniit akuutissaqanngitsussaagaluit navianartumik PFAS-imik akuutissartaqartut

Kukkukuut silamiutat, tukertitsivimmiut kukkukuusivimmiullu mannii navianartumik PFAS-eqalaartut manniilli akuutissaqanngitsussaagaluit PFAS-eqangaatsiartut, misissuinermi erserpoq.

Manniit akuutissartaqanngitsussat ukiuni kingullerni pisiortorneqaleraluttuinnarput, Danmarkimili tamarmi manniit akuutissartaqanngitsussaagaluit navianartumik PFAS-eqangaatsiartut paasisat kingulliit takutippaat.

Danmarkimi inuussutissat pillugit instituti DTU Fødevarestyrelselu misissuereerlutik tusagassiuutinut taama nalunaarput.

LÆS OGSÅ Alvorlig miljøgift går i isbjørnens hjerne

Ilimagineqarporlu kukkukuunik nerlersuinermi akuutissaq taanna aalisakkanik qajuusaasianeersuusoq, taamaalilluni manninnut annguttarsimassasoq.

Akuutissarlu taanna pasineqarpoq nappaaterpassuarnut assigiinngitsunut pilersitsisuusartoq, soorlu assersuutigalugu tingullunnernut kræftimut kinguaassiorsinnaanermullu aamma akornusiisinnaalluni.



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl