Toqunartoq nannup qarasaanut ingerlaartarpoq
- Toqunartut nannuni aakkoorlutik qaratsamut ingerlaarsinnaappata, aamma inunni taamaassimassaaq, professor Rune Dietz fra Aarhus Universitetianeersoq oqarpoq.
Paasisat nutaat Illoqqortoormiut eqqaani nannut pisarineqarsimasut 19-it qarasaannik misissuinermik tunngaveqarput.
Fluoridit toqunartut ukiuni qulikkuutaani arfinilinni suliffissuaqarnermi atorneqarsimapput, soorlu imermik uuliamillu pitagassaanngitsunik suliaqarnermi atorneqarsimallutik, ilaatigut annoraaminiliornermi, pappiaqqanik tunisassiornermi, nerisassanut poortuutissiornermi, nakorsaasiornermi, eqqiaatissanik tunisassiornermi qatserutinullu qapuliornermi.
PFAS ukiuni kingullerni 40-ni nunarsuarmut tamarmut siaruaassimavoq, toqunartullu uumasunit inunnillu toqqutigineqarsinnaaneri maanna ilisimaneqarluni.
Toqunartut nunani killerni tunisassiarineqarunnaarnikuupput. Kinalli tamakkuninnga tunisassiornini annertusisimavaa.
Aarhusip Universitetiani misissuinerup nutaap allap takutippaa, nannut natsillu Tunumi pisarineqartut toqunartoqassusaat 2006-ip kingorna annikilliartulersoq.
- Mingutsitsinerup annikilliartornera isumalluarnarpoq. Ineriartorneq taanna nunani ataasiakkaani nunanilu tamalaani oqartussaasunit atuisunillu tapersersorneqaannartariaqarpoq, Rune Dietz oqarpoq.
