USA-mi præsidentimut qinersinerup isumannaassusaanut tunngasunik eqqunngitsunik oqaaseqarsimanini pillugu Krebs soraarsitaasoq Trumpip oqaatigaa.Foto: Mandel Ngan/AFP/Ritzau Scanpix

Trumpip USA-p isumannaallisaanermi pisortat ilaat soraarsikkaa

USA-p qarasaasiatigut attaveqaatitigut isumannaatsuunissamut pisortaata soraarsitaaqqammertup, Chris Krebsip, qinersinermi peqquserluttuliortoqarsimaneranik Trumpip oqaasii arlaleriarluni apeqqusernikuuai.

Qarasaasiatigut attaveqaatitigut isumannaatsuunissaq attaveqaqatigiinnermullu USA-mi allattoqarfiup Cisap pisortaa Chris Krebs, USA-p præsidentianit Donald Trumpimit soraarsitaavoq.

Præsidenti inoqatinut attaveqaatitigut Twitterikkut taama nalunaaruteqarpoq.

USA-mi præsidentimut qinersinerup isumannaassusaanut tunngasunik eqqunngitsunik oqaaseqarsimanini pillugu Krebs soraarsitaasoq Trumpip oqaatigaa.

Qinersinermi peqquserluttuliortoqarsimaneranik Trumpip oqaasii Chris Krebsip arlaleriarluni tamanut apeqqusernikuuaa.

Twitterikkut allagaqarnikkut arlaleriarluni taamaaliortarsimavoq.

- Amerika, taasinissi isumannaatsuunerat qularutiginngilarput, aamma illit tatiginnittariaqaraluarputit, Krebs novembarip ulluisa 13-ianni allappoq.

LÆS OGSÅ Donald Trump vil stoppe optælling af stemmer

Qinersinerup qarasaasiatigut isumannaatsuunissaa Cisap isumagivaa. USA-mi præsidentimut novembarip ulluisa pingajuanni qinersineq USA-p oqaluttuarisaanerani aatsaat taama isumannaatsigisoq, USA-mi naalagaaffiup allattoqarfiisa assigiinngitsut sapaatit-akunnerata siuliani sisamanngornermi oqaatigaat.

Allattoqarfiit taama nalunaaruteqarnerat Trumpip iluarinngilaa, Chris Krebsillu soraarsitaanissani ilimagalugu suleqatiminut arlaleriarluni oqaatigisimagaa oqaatigineqarpoq.

Præsident Donald Trumpip demokratimut Joe Bidenimut ajorsarnini suli nassuerutiginngilaa. Biden præsidentimut qinersinermi ajugaasutut novembarip ulluisa arfineq-aappaanni nalunaarutigineqarpoq.

Kommentarer

inatsisartut-sal-sep2019.jpg

Inatsisartuts Efterårssamling



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt