CO2-p aniatinneqartup ikinnerpaamik 55 procentinik annikillineqarsimanissaa EU-p anguniagarigaa
CO2-p aniatinneqartup 1990-imut naleqqiullugu 2030-mi ikinnerpaamik 55 procentinik annikillineqarsimanissaa EU-p anguniagarissagaa, EU-Kommissionip siunnersuutiginiarpaa.
Allakkani tuluit nutaarsiassaqartitsiviata Reutersip pissarisaani tamanna allaqqavoq.
AAMMA ATUARUK Ilisimatuutut allaatigisaq: Issittumi ilimagisamit sukkanerusumik kiatsikkiartorpoq
CO2-p aniatinneqartup 1990-imut naleqqqiullugu 2030-mi 40 procentinik annikillisinneqarnissaa EU-p maanna anguniagaraa.
EU-p CO2-mik aniatitsinerata 1990-imut naleqqiullugu 2030-mi ikinnerpaamik 55 procentinik annikillisinneqarsimanissaa EU-Kommissionip allagaani takuneqarsinnaavoq, siunnersuutaannaavorli sulilu allanngortinneqarsinnaalluni.
Allakkat tusagassiutinut kimit tunniunneqarsimanersut ilisimaneqanngilaq, EU-Kommissionilu tamanna pillugu oqaaseqarumanngitsoq EU-mit ilisimatitsissutigineqarpoq.