Isikkamik arsarnermi unammeqattaarnerit Ilulissani aggustip ulluisa qulingannit aaqqissuunneqartussaagaluarput, sapaatillu akunnerata ataatsip qaangiunnerani arnat Nuummi pissartanngorniuuttussaagaluarlutik.Foto: Malik Brøns, KNR

KAK: Isikkamik arsaannermi pissartanngorniuttoqarnissaa taamaatinneqarpoq

Nunatsinni pissartanngorniuunnerit sapaatit akunneri marluk qaangiuppata aaqqissuunneqartussaagaluarput. Coronali pillugu malittarisassat pissutigalugit maanna aatsaat taamaatiinnarneqarpoq.

Nunatsinni isikkamik arsaannermi ukioq manna pissartanngorniuuttoqassanngilaq.

Kalaallit Arsaattartut Kattuffiat Facebookikkut quppernermini ippassaq unnukkut nalunaaruteqarpoq.

Isikkamik arsarnermi unammeqattaarnerit Ilulissani aggustip ulluisa qulingannit aaqqissuunneqartussaagaluarput, sapaatillu akunnerata ataatsip qaangiunnerani arnat Nuummi pissartanngorniuuttussaagaluarlutik.

Katerisimaarnermut malittarisassat

Inuit amerlanerpaamik 100-it decembarip ulluisa 31-ata tungaanut illup iluani katersuussinnaapput. 

Silami inuit amerlanerpaamik 250-it katersuussinnaapput.

Kommunimit kommunimut angalaqqusaanngilaq. Namminersorlutik Oqartussat katerinnissat pillugit killilersuinerugallartunut nalunaarutaanni paragraf 2-mi allassimavoq:

"Aaqqissuussanut nalliuttorsiornernullu peqataanissamut nalunaarfigineqartariaqartunut atatillugu inuit kommuninit allaneersut aaqqissuussamut peqataanissamut nalunaarsinnaannginnissaat aaqqissuussisup qulakkiissavaa."

Coronali pillugu malittarisassat pissartanngorniuunnernik aaqqissuussinissamut pilersaarusiornermut aporfiliingaatsiarput. Namminersorlutik Oqartussaniimmi nalunaarut nutaaq naapertorlugu kommunimiit kommunimut allamut angalalluni aaqqissuussinernut peqataanissamik nalunaarfigineqartussanut angalasoqaqqusaanngilaq.

Arsartartut Kattuffiata Namminersorlutik Oqartussat sapaatip-akunnerata naanerani ataatsimeeqatigaat. Tamatumali saniatigut KAK-p oqarnera naapertorlugu suliaq pillugu oqaloqatigiissuteqartoqarpallaarsimanani.

LÆS OGSÅ KAK udskyder GM på ubestemt tid

KAK-mit ippassaq unnukkut nalunaarut saqqummiunneqarpoq:

Nunatsinni pissartanngorniunnerit ukioq manna aaqqissuunnissaannut Namminersorlutik Oqartussanit akuerineqanngitsut kattuffik Facebookikkut allappoq.

 

 

KNR-ip peqqissutsimut naalakkersuisoq, Anna Wangenheim (D) sisamanngormalli oqaaseqartinniarsarigaluarpaa – iluatsinngitsumilli.

Isikkamik arsannermi pissartanngorniunnerit aaqqissuunneqarnissaat qularnanngitsoq ippassaq erseqqissumik saqqummiunneqarpoq. Corona pillugu aqutsisoqatigiit pissartanngorniunnissamut tunngatillugu tuniluuttoqaratarsinnaaneranut aarlerinarnera annertuallaartoq KNR-imut allappaa.

- Isikkamik arsaannermi pissartanngorniuttoqarnissaanut atatillugu peqqissutsimut suliaqartut nalilerpaat aaqqissuussinerni annertuuni taamaattuni tuniluuttoratarnissaa aarlerinaateqarpallaarpoq, corona pillugu aqutsisoqatigiit KNR-imut mailikkut allapput.

Nunatsinni inuit sumiiffinnit assigiinngitsuneersut katersuutseriarlugit piffissap sivikitsup ingerlanerani angerlaqqinnissaanni immikkut ittumik aarlerinaateqartoq aqutsisoqatigiit aamma nalilerpaat.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt