Syriami ikiuinissamut isumaqatigiissut atorunnaartoq

FN-ip sillimaniarnermut siunnersuisoqatigiivisa nunallu tassani sinniisaasa

Syriami nunamut tassanga killeqarfitsigut assigiinngitsutigoorluni ikiuiniarnerup sivitsornissaanik isumaqatigiinniarnerit pimoorunnerulerpaat.

Isumaqatigiissusiornissarli tallimanngormat iluatsinngitsoorput. Ritzau taama allappoq.

Taamaalilluni ikiuutissaanik killeqarfitsigut eqqussuinissamut 2004-mili aaqqiineq pisortatigoortumik atorunnaarpoq.

aaqqissuussinerup tamatuma sivitsornissaanik siunnersuut Ruslandip Kinallu itigartitsissutigimmassut, ilaasortallu allat Ruslandip siunnersuutaa itigartimmassuk tamanna inerneruvoq.

Kisianni Tyskland aamma Belgien isumaqatigiissummik attassiinnarnissamut suliniuteqarput.

- Ulloq unnuarlu sulinissamut piareersimavugut. Syriami inuit miliuunilikkaat siunissaminnik sillimaniarnermik siunnersuisoqatigiit aalajangiinissaannut utaqqisut eqqarsaatigeqquarput, Tysklandip FN-imi aallartitaa, Christoph Heusgen, oqarpoq.

ritzau/