Barbie præsidentimit iluarineqanngilluinnarpoq
Inuusaq Barbie, Venezuelami nunap inoqqaavinut assinngunngilluinnartoq, taamaattumillu niuertarfinni tuniniarneqartariaqanngitsoq, præsidenti Hugo Chàvez isumaqarpoq.
Skrevet af Louise M. Kleemann
26. januar 2010 10:33
Inuusaq nunarsuarmi tamarmi tusaamasaasoq meerarpassuarnillu nuannarineqartoq Barbie, Venezuelap præsidentianit Hugo Chàvezimit iluarineqanngilluinnarpoq.
Venezuelami niuertarfinnit tamanit tuniniaagaajunnaarluni peerneqarnissaa præsidentip piumasarisimagaa, DR-ip nittartagaani allaaserineqarpoq.
- Inuusat Barbietut ittut kulturitsinnut attuumassuteqanngilluinnarput, Venezuelap præsidentia Hugo Chàvez oqalugiarluni taama oqarsimavoq.
- Inuusat Barbietut ittut aningaasaatilissuit pigisaannut takussutissaapput, taamalu ajortilissuarnut aqqutissiuisuullutik, Venezuelap præsidentia Hugo Chàvez taamatut oqarsimavoq.