Venstre: Kalaallit kissaataat isumaqatigiinniarnerni ilaatinneqarput
Ventret aningaasaqarneq pillugu oqaaseqartartuat taama nassuiaavoq, ippassaq naalakkersuisut aningaasanut inatsisissaq naammassimmassuk Siumut Inuit Ataqatigiillu peqataatinnagit.
Naak Inuit Ataqatigiit Siumullu aningaasanut ministereqarfimmi isumaqatiginiaqataanngikkaluartut, partiit kissaataat saqqummiunneqarput.
Venstret aningaasanut oqaaseqartartuat Jacob Jensen oqarpoq.
- Folketingimi ileqquusartoq malillugu naatsorsuutigaara ilaasortat atlantikup avannaaneersut partiit suleqataasa isumaqatigiinniarnerit aamma taakku sinnerlugit ingerlattaraat. Imaappoq isumaqatigiinniarnerit aallartikkaangasa Folketingimi partiit tamarmik Aningaasanut ministeriaqarfimmut aggersarneqartarput, tassanilu piumasaqaatit saqqummiunneqartarlutik.
Aamma atuaruk Aajap danskit aningaasaqarnermut naalakkersuisuannik kiisami ataatsimeeqateqalersoq
Siumut Socialdemokraatit politikkikkut suleqatigaat. Socialdemokratillu pilertukannersumik isumaqatigiinniarnerit qimammatigit, tassani Siumup piumasaqaatigisimasinnaasai annaaneqarsimassapput.
Inuit Ataqatigiilli danskit partiivinut aaliangersimasunut pituttungaanngillat. Partiillu aningaasanut ministeri Claus Hjort Frederiksen ataatsimeeqatiserisimagaluarpaa iluatsinngittumik.
Imaassinnaavoq paatsooqatigiittoqarsimasoq, Jacob Jensen oqarpoq:
Aningaasanut inatsisissamut isumaqatigiinniarnerit tassaapput Venstret naalakkersuisuusut qinersinerup kingorna isumaqatigiinniarnerat siulleq. Venstret naalakkersuisunngortitsinerminni allapput:
Kissaatigaarput qanittumik kinguneqartussamillu Savalimmiut Kalaallit Nunaatalu suleqatiginissaat. Tassalu Danmarkip Naalagaaffeqatigiit tamaasa sinnerlugit suliaanut atasunik.
Naalakkersuisunngortitsinermi qanittumik kinguneqartussamillu suleqatigerusuppasi, soormi taava kalaallit partiivineersut isumaqatigiinnerpiarnernut aggersarneqanngillat? Aperaarput.
- Tassa soorlu oqareersunga. Aningaasanut inatsisip isumaqatiginiutigineqarnerani ukiut tamaasa partiit tamarmik aggersarneqartarput. Partiinilu tamakkunani kalaallit ilaasortaatitaat sinniisuutitaqartarput. Aamma ukioq manna taamaaliortoqarpoq.
Aamma atuaruk Aajap qallunaat aningaasaqarnermut ministeriat tuavisaarpaa
Aamma atuaruk Danskit aningaasanut inatsisissaat isumaqatigiissutigineqartoq
Inuit Ataqatigiit Siumullu aningaasanut ministerimit aggersarneqarsimapput.
Aappaagumulli aningaasanut inatsisissami kalaallit partiivisa piumasaqaataasa ilanngunneqarnissaat ilimanarpallaanngilaq, Jacob Jensen KNR-imut oqarpoq. Taarsiulluguli immikkut aningaasaliisoqarsinnaassasoq ilimagaa.
- Naamik taamaattoqarnavianngilaq aningaasanummi inatsimmut isumaqatigiissutitaasimasutut isikkoqarpoq. Juullinngitsiarneranili pingajussaaneerneqarnissaanut soorunami allannguuteqarsinnaasoq Venstret aningaasaqanermut oqaaseqartartuat Jacob Jensen oqarpoq.
