Vittus: Nunatta aningaasatigut imminut napatilernissaanut Trumpip ikiorsinnaavaatigut

USA-p præsidentissaata Donald Trumpip suleqatigilluarnissaanut isumalluarluni, nunanut allanut naalakkersuisup Vittus Qujaukitsup oqaatigigaa, Canadami nutaarsiassaqartitsiviit ilaata Nunatsiaq Newsip allaaseraa.

Allattoq Karsten Sommer, Simon Uldum -

decembarip 13-at 2016 10:48

Nutserisoq Mads Lynge

Arctic Circle Forumip Canadami Quebecimi ataatsimeersuarnerata nalaani oqalugiarnermini Vittus Qujaukitsoq taama oqarpoq, Donald Trumpip naalakkersuisoqataasalu Nunatta namminersulivinnissaanik tapersersuiumaartut qularutiginagu.

Kalaallit Nunaata namminersulivittup uuliamit gassimillu qalluinermit aningaasalersorneqarsinnaanissaa, Vittus Qujaukitsup Arctic Circle Forumip ataatsimeersuarnerani oqaatigaa.

Aamma atuaruk Vittus: Danmarkip anneruniarnera aserorsaataalluinnarpoq

USA-p nunanut allanut tunngasunut ministerissaattut Trumpip piukkussaanut Rex Tillersonimut tapersersuinini Qujaukitsup Quebecimi oqalugiarnermini ilaatigut aamma oqaatigaa.
Rex Tillerson, uuliasiortitseqatigiiffissuarmi Exxon Mobilimi pisortaaneruvoq, oqallisaaqalunilu. Rex Tillersonimi Ruslandip præsidentianik Vladimir Putinimik inuussutissarsiutitigut suleqateqartutut aamma ilisimaneqarpoq.

Aamma atuaruk Alloriarnerit siulliit pingaaruteqartussat amigaataapput