Qulaarpaa Alloriarnerit siulliit pingaaruteqartussat amigaataapput

Ullumikkutut atugaqartilluta namminiilivissagutta akileraarnerungaalerlutaluunniit atugarissaarnikkut sullinneqarnerput appangaatsiassaaq.

Namminiilivinnissaq anguniagaavoq, nunarpulli aningaasaqarnikkut imminut napatissinnaalerpat tamanna aatsaat pisinnaavoq. Politikerit namminiilivinnissaq piviusunngortikkiartuaarnialersaarpaat. Pilliutigineqartussalli arlaliupput. 

- Alloriarnerit siulliit iluarsaaqqinnerillu pingaaruteqartussat suli takunngilavut, aningaasaqarnermut isumalioqatigiissitami siulittaasoq Torben M. Andersen oqarpoq.

Isertitat marloriaatinngortinneqassasut

Nunarput danskit naalagaaffianit ukiumut 4,6 milliardit koruuninik assigiinngitsutigut tapiiffigineqartarpoq. Taakku Nunatta akiitsuusiinikkut akileraarutinit aningaasarsianillu akileraarutinit isertitaasa naleqqatigingajappai. 

Nunarput aningaasaqarnikkut immineq napatilissappat aningaasat taakku sipaarniarnikkut allatigulluunniit isertitaqarnikkut pissarsiarineqassapput.

AAMMA ATUARUK Namminersulernissamut sipaarniarujussuartoqassaaq

 

- Allatut oqaatigalugu aningaasat isertitat imaluunniit kaaviiaartitat maannakkumit marloriaatinngortinneqartariaqassapput, Torben M. Andersen oqarpoq.

Ilinniarsimasunik sulisussaaleqisalerneq

Utoqqaat amerliartornerisigut aningaasartuutit isertitanit amerlanerulissapput. Aningaasallu ilaatigut naalagaaffiup tapiissutaanit pissarsiarineqartartut ikinnerussutaat matussusissagaanni akileraarnerusalinngikkutta sullinneqarneq ajorsersiartussasoq, siulittaasoq isumaqarpoq.

AAMMA ATUARUK Allannguerusukkussi makigitsi iliuuseqarlusilu

 

Tamannalu sulisussanik tikisitsisinnaanermut aammalu inuusuttunik ilinniarsimasunik nunatsinniiginnartitsiniarnermut sunniuteqassaaq.

- Sullissineq ajornerusutut isigilerpassuk akileraarutilluunniit qaffasigivallaarunikkit taava allamut aallarlutik suliartornissartik isumaliutigilissavaat, aningaasaqarnermut isumalioqatigiissitami siulittaasoq Torben M. Andersen oqarpoq.

 

Isummersuutit


 

Pages