Kalaallit Illuutaat Aarhusimiittoq allilerneqalerpoq
- Kulturikkut periarfissat pitsaanerusut maani illumi pisariaqartippavut, Kalaallit Illuutaanni Aarhusimiittumi pisortaq Jørn Holbech oqarpoq.
AAMMA ATUARUK Aalborg Havnip RAL pakatsissutigigaa
Taamatullu kissaateqarneq qularnanngitsumik maanna piviusunngulerunarpoq.
A.P. Møller Fondenip 6 millionit koruuninik aaqqissuussinernut assigiinngitsunut atortussanik aningaasaliissutaanik inersualiortoqassaaq, nutaamik isaarissiortoqarluni anginerusumillu pisiniarfiliortoqarluni.
AAMMA ATUARUK Kalaallit Illuutaat Aarhusimiittoq kultureqarnermut immikkoortortaqarfittaartoq
Kalaallit Illuutaata inersuani inuit 60-it missaannut ullumikkut isersimasoqarsinnaapput. Allissutissaali ilanngukkaanni isersimasut marloriaatinngorsinnaasut, Jørn Holbech oqarpoq.
- Anguniagarput unaavoq aqutsisoqarfiup ullumikkutut illumiitiinnarnissaa. Taavalu maani najugaqartut saniatigut århusermiunik, kalaallillu peqatigiiffiineersunik amerlanerusunik immikkut kulturikkut inersuarmi pulaartoqarsinnaaneq.
Aarhusip Kommuniata Kalaallit Illuutaat Aarhusimiittoq tamaat pigisaraa, kalaallillu ukiuni 40-ni attartortuusimapput.
AAMMA ATUARUK Kalaallit Nunaat kulturikkut pikialaartitsinermi Aarhusimi peqataavoq
A.P. Møller Fondemit aningaasaliissutit kommunimut aalajangersimasumut atugassatut ikineqassapput, tassalu Kalaallit Illuutaannik alliissutitut.
Jørn Holbech neriuppoq illoqarfiup pisortaasa pilersaarut akuersissutigissagaat. Aarhusermiunummni eqqaamiuinullu Kalaallit Nunaat taamaalilluni ilisimaneqarnerulersinnaasoq, taanna isumaqarpoq.
AAMMA ATUARUK Qeqqussat ujaqqallu seqummai Aarhusimi nittarsaassinermi saqqummiunneqartut
- Aarhusermiut akulikinnerusunik kalaallit kulturiannut aggersarusunnartarput, taanna naggasiivoq.
Aarhusimi magistratip suliaq ullumi sammissavaa, tamatuma kingorna illoqarfiup pisortaasa alliissutissaq septembarimi kingusinnerusukkut sammissallugu.