TELE-POST: pilerisaaruteqartarfigut pitsaanerpaat annaassavagut
- Tele-Postip nioqqutaanik pilerisaaruteqartarnitsinni illoqarfinnut nunaqarfinnullu apuuttartuni pitsaanerpaajusorisatta ilaanniittut marluk annaassavavut, Jonas Hasselriis oqarpoq.
Tele-Postip nioqqutissaatai nutaat ussassaarutigissallugit sapernarnerulissasoq, Jonas Hasselriisip aamma oqaatigaa.
Aamma atuaruk RAL Naalakkersuisut siunnersuutaat pillugu: Unammillernartoqassaaq
Taamaattumillu Tele-Post aviisitigut nittartakkakkullu suli ussassaarisinnaagaluarluni KNR-ikkut ussassaarisinnaajunnaassappat Tele-Postip ajuusaarutigissavaa.
- Tusagassiuutit ussassaarinikkut sunniuteqarluarsinnaasut atorniarsarisarpagut. KNR-ilu inunnit amerlasuunit malinnaaffigineqartarmat ussassaariffigissallugu iluarinikooqaarput, Jonas Hasselriis oqarpoq.
Aamma atuaruk Andreas Uldum: Biilimut ussassaarutip peerneratigut tamat oqartussaaqataanerat innarlerneqarnavianngilaq
Naalakkersuisut siunnersuutaat akuerineqassappat Tele-Post ussassaarinissaminut periarfissaminik nalilersuilluartariaqarpoq.
- KNR-ip aallakaatittagaasigut inuit apuussiffigisartakkavut qanoq iliorluta neqeroorutitsinnik paasitissinnaalissanerlugit ujartuisariaqarpugut, Jonas Hasselriis KNR-imut oqarpoq.
