Sullissivik atorluarneqartoq
Namminersorlutik Oqartussat kommunillu ataatsimoorlutik innuttaasunut nittartagaat sullissivik.gl atorluarneqaqaaq. Digitalimik Sullissinermut Aqutsisoqarfiup kisitsisaataasa tamanna takutippaat.
Allattoq Inge S. Rasmussen
septembarip 13-at 2017 08:46
Nutserisoq Sara K. Jakobsen
Nittartakkamik atuisimasunik aggustimi nalunaarsuinermi takuneqarsinnaavoq nittartakkamik atuisut 6.945-nik amerleriarsimasut.
Tassa katillugit 22.254-it sullissivik aggustimi atorsimagaat, Namminersorlutik Oqartussat tusagassiuutinut nalunaarutigaat.
AAMMA ATUARUK Qarasaasiakkut sms-ikkullu digitalimik allagarsisinnaalerputit
Atuisut 46 procentimik ukioq manna januaarimiit aggustip tungaanut amerleriarput.
- Tamannalu isumaqarpoq innuttaasut Kalaallit Nunaanni digitaliusumik sullissineq tigulluaraat, allaffimmi pisortaq Sarah Thode Andersen oqarpoq.
AAMMA ATUARUK Kommunit NemID sullissivik.gl-ilu ilisaritissavaat
AAMMA ATUARUK Nittartakkakkut sullissivik atulerpoq
