Issittumi Sakkutooqarfik: Sulisut nutaat Issittumi nakkutiginninnerulersitsissasut

Illersornissaqarfiup issittumi siulersorneqarfiani Nuummiittumi sulisut marluk nutaat ujartorpai. Atorfiit taakku Illersornissamut ministereqarfiup siorna misissueqqissaarneranit innersuussutinit aallaaveqarput.

Illersornissaqarfimmi naalaganngorsinnaaguit pilersaarutiniluunniit annerusuni aqutsinissamut kajumikkuit, Arktisk Kommandop Nuummiittup atorfiit marluk inuttassarsiuussai immaqa ilinnut piukkunnarput.

Illersornissaqarfiup sakkutuut naalagaat, naalakkalluunniit ilaanut atorfik issittumi imartani, nunani silaannarmilu nakkutiginninnermut attaveqaqatigiittarnermik pitsanngorsaanissamut atussavaa.

Atorfiup aappaa inuinnartut tunuliaqutalimmut naatsorsuussaavoq, taanna Illersornissamut ministereqarfiup juunip qaammataani 2016-imi issittoq pillugu misissueqqissaarneranit innersuussutinik atulersitseqataassaaq.

AAMMA ATUARUK Issittumi umiarsualeeqqittoqaranilu timmisartuleeqqittoqassanngilaq

AAMMA ATUARUK Illersornissaqarfiup issittumi suliassai pillugit nalunaarusiaq saqqummiunneqartoq

Ministereqarfiup misissueqqissaarnermi Issittumi tamarmi nakkutiginninnerup annerulernissaa innersuussutigaa, tamanna ilaatigut qaammataasat atorneratigut pissaaq, taamaalilluni sakkutuut inuinnaallu imaaniittut silaannarmiittullu nakkutigilluarneqarsinnaalissallutik.

Tamatumali pisinnaanissaanut Arktisk Kommandomi sulisut amerlanerunissaat pisariaqartoq, misissueqqissaarnermi innersuussutini allassimavoq.

Illersornissamut ministereqarfiup atorfiit qassit nutaat pisariaqarnersut erseqqissumik kisitsisilinngilaa. Arktisk Kommandolli taartaasussat hjemmeværnillu sulisut allat attaveqarfigisariaqarpai.

Danskit naalakkersuisuisa illersornissamut isumaqatigiissut nutaaq, 2018-imiit aallartittumik ukiuni tallimani atuuttussaq maanna isumaqatigiissutiginialeruttorpaat.

AAMMA ATUARUK Issittumut pilersaarut danskit naalakkersuisuisa utaqqiniarpaat

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!