COP21 Silap pissusia pillugu akerliussutsimik Canadami takutitsisoqartoq
Canadami illoqarfinni assigiinngitsuni sapaatip-akunnerata naanerani akerliussutsimik takutitsisoqarpoq, ilaatigummi Canadap Inatsisartuisa ataatsimiittarfiata silataani akerliussutsimik takutitsisoqarpoq, naggueqatigiit Inuit, indianerit metisillu akerliussutsiminnik takutitsillutik.
Tumerparpaartoqarpoq, qitittoqarlunilu erinarsortoqarlunilu.
Aamma atuaruk ASSIT Nunarsuup kiatsikkiartornera pillugu ingerlaaqatigiittoqartoq
Canadami naalakkersuisuusimasut silap pissusia pillugu ukiuni kingullerni qulingiluani annerusumik oqaaseqartarsimannginnerat nunap inoqqaavisa maanna allanngortinniarpaat, silap pissusiata allanngoriartornerata akiorniarneqarneranut qanoq iliuuseqarniarnertik tamanut saqqummiutissagaat oqaatigalugu.
Canadamilu maanna naalakkersuisut tamanna pillugu ammanerulersimanerat malunnarpoq. Soorlu ministeriunerup Justin Trudeaup Parisimi ippassaq oqaatigigaa": We are back!!. Uteqqippugut!!".
Canadamilu nunap inoqqaavi tusaarniarniarlugit oqalugiarnermini qasseerpassuariarluni oqaatigaa, silap pissusiata allanngoriartornerata sunniuteqaatai pillugit nunap inoqqaavisa isumaat tusarusullugit, silap pissusia pillugu politikkimik nutaamik pilersitsisoqarnissaa suliniutiginiarlugu.
Aamma atuaruk COP21 Silap pissusia pillugu Parisimi ataatsimeersuarneq ullumi aallartippoq
Aamma atuaruk COP21 Inuit 10.000-ilikkaat akerliussutsiminnik takutitsipput
Aamma atuaruk COP21 Iluliarmerngit 100 tons Parisimut
Aamma atuaruk COP21 Naalagaaffiit Peqatigiit ataatsimeersuartisinissaanut nalunngisariaqakkatit
