COP21 Silap pissusia pillugu Parisimi ataatsimeersuarneq ullumi aallartippoq
Nunat assigiinngitsut naalakkersuinikkut siuttuisa CO2-mik aniatitsinerup annikillisarneqarnissaa pillugu isumaqatigiissusiorsinnaanissaat neriuutigineqarpoq, silaannaap nunarsuaq tamakkerlugu annerpaamik gradinik marlunnik kissakkiartornissaa anguniagaalluni.
Nunat katillugit 195-it Naalagaaffiit Peqatigiit ataatsimeersuartitsinerannut peqataapput. Nunat 175-it CO2-mik aniatitsinertik ukiuni qulikkaani tulliuttuni qanoq annikillisarniarneraat nalunaarutigereerpaat. EU, Kina aamma USA anguniakkatik nalunaarutigereerpaat.
Aamma atuaruk COP21 Inuit 10.000-ilikkaat akerliussutsiminnik takutitsipput
Aamma atuaruk COP21 Iluliarmerngit 100 tons Parisimut
Isumaqatigiissusiortoqarsinnaanissaa ajornakusuussagunartoq, immikkut ilisimasallit arlallit nalilerpaat, tassa silaannaap annerpaamik gradinik marlunnik kissakkiartornissaanut anguniakkap anguneqarsinnaanissaa piviusorsiunnginnerusutut nalileramikku.
Nunalli assigiinngitsut anguniakkatik siumut nalunaarutigereeraluarlugit isumaqatigiissuteqarnissamut kajumissuseqarnissaat Naalagaaffiit Peqatigiit neriuutigaat.
Aamma atuaruk COP21 Naalagaaffiit Peqatigiit ataatsimeersuartisinissaanut nalunngisariaqakkatit
Nunanut allanut tunngasunut naalakkersuisoq Vittus Qujaukitsoq nunarput sinnerlugu peqataassaaq, statsminister Lars Løkke Rasmussenilu Danmark sinnerlugu peqataassalluni.
Ataatsimeersuarneq COP21 decembarip ulluisa aqqarnanni naammassissaaq.