COP21 Inuit 10.000-ilikkaat akerliussutsiminnik takutitsipput

Inuppassuit allagartarsualisaarlutik ingerlaarput, Nunarsuup eriagineqarnissaa oqaatigalugu, siunissarlu eqqarsaatigalugu isumatusaartumik sulisoqarnissaa oqaatigalugu.

Nunaatillit, meeqqat, upperisarsioqatigiit assigiinngitsut politikerillu akerliussutsiminnik takutitsinermi peqataapput, Melbournep qiterpasissortaani katersuussimallutik. Inuit 40.000-it missaat peqataasimanissaat politiit eqqoriarpaat.

Nunani assigiinngitsuni ullumi arfininngornermi aqagulu sapaammi akerliussutsiminnik takutitsiniartut imaaginnavipput, tassa London, New Delhi, Kampala, Manila, Kyoto, Austini, New York, Kairo kiisalu São Paolo akerliussutsimik takutitsiffiussammata.

Københavnimi akerliussutsimik aqagu aamma takutitsisoqarniarpoq.

Parisimi aamma akerliussutsimik takutitsisoqarnissaa aamma pilersaarutaanikuugaluarpoq, novembarilli ulluisa 13-ianni peqqarniisaarniartoqarnera pissutaalluni akerliussutsimik takutitsinissaq taamaatiinnarneqaropoq.

Nunat 200-t pallillugit Parisimi sapaatip-akunnerata tulliani ataatsimeersuartoqarnissaanut peqataatitaqassapput, silap pissusiata allanngoriartornerata akiorniarneqarnissaanut atatillugu suliniutigineqartussat isumaqatiginninniutigissagamikku.