Politikkeri tusagassiorfiillu: Pisinnaasagut atorpagut
Folketingimi sulineq pitsaanerusumik sammineqarnerusariaqarput. Folketingimut qineqqusaartoq tusagassiornermillu suliaqartartut marluk nassuerutigaat. Taama qisuariarput, ilisamatuup naqissusermagu, tusagassiorfiit politikerillu folketingimi sulineq pillugu soqutiginnitsilersitsiniarlutik annertusaasariaqartut, taamaaliornikkut taasiartortartut procentiat qaffanneqarsinnaammat.
Folketingimi milliarderpassuarnik nalilinnik ukiut tamaasa aalajangiisoqartarpoq, taakkuali nunatsinnut malunnaataasarput. Taakkunanili Politiit, eqqartuussiveqarneq, isumaginninnermut suliniutit aamma nunanut allanut politikki sammineqartartunut ilaapput.
Aamma atuaruk Inuiaqatigiit pillugit ilisimatooq: Folketingimut taasisut amerlanerusariaqarput
Taamaakkaluartoq nunatsinni soqutiginninnerput annertugisassaanngilaq. Taasiartortummi procentiat taasisinnaasut affai qaangilaaginnartarpaat.
Inuiaqatigiilerinermut tunngasunut ilisimatooq Birger Poppel malillugu, politikerit tusagassiorfiillu folketingimi sulineq pillugu oqaluttuarnissartik pikkorinneruffigisariaqaraat isumaqarpoq - tassani innuttaasunut ataasiakkaanut qanoq pingaaruteqarnera oqaluttuarineratigut. Tamanna naliginnaasumik Inatsisartunut tunnganerusartoq ilisimatooq oqaluttuarpoq.
Inuit Ataqatigiinniit Johan Lund Olsenimit ajornartorsiut ilisarineqarpoq. Isumaqarpormi qinikkat sulerinerminnik saqqummiussinerusariaqartut - soorlu innuttaasut nittartakkatigut atortagai atorluarneratigut.
Taamaakkaluartoq aaqqiissutissatut iliuuserisinnaasat tusagassiorfiit akisussaaffigisaasa ilaanniittoq isumaqarpoq, tassami innuttaasunut tamanut nutaarsiassat kisiisa eqqarsaatiginagit paasititsiniaaneruneq KNR-mit ingerlanneqarnerusinnaasoq isumaqarami.
- Taamaammat tassa tamakkua aqqutigineqarsinnaapput. Nunatsinni innuttaasut amerlanerit qinersiartortalernissaat aqqutissiiuukkumagaanni, Johan Lund Olsen oqarpoq.
Aamma atuaruk Qinersinermi danskit naligiinnerujussuisa sunniuteqarterujussuassavaatigut
KNR-mi Sermitsiamiillu nassuerutigineqarpoq folketingimut sulineq pillugu saqqumilaartinneqarnerusinnaanera.
KNR-milu Nutaarsiassalerinermi pisortap Mikkel Bjarnø Lundip maannamut sammineqarnera pingaarnersiuinerusoq, namminerlu pingaarnersiuinertik naammagisimaarpaa.
- Isumaqarpunga sulerisarnersut amerlasuutigut nassuiartaripput, taamaattumik ukkataraagut, naammannersorli eqqartorneqartuaannarsinnaavoq, kisianni uagutsinnut takornartaanngilaq, Mikkel Bjarnø Lund.
Aviisimi Sermitsiami sulisoqarsinnaassuseq apeqqutaasoq, aaqqissuisuuneq Poul Krarup isumaqarpoq, akisussaaffillu ingerlateqqillugu - maannakkut taassuma Inatsisartut akisussaanerarpai isumaqarami:
- Qinersisartunut tunngatillugu oqallitsitsinissap qulakkiissavaat, taamaliornikkut politikerit folketingimi sulinerup pingaaruteqassusaata saqqummiunnerusinnaalerniassammassuk, Poul Krarup oqarpoq.
Folketingimut qinersineq pillugu annertunerusumik paasisaqarusukkuit nittartagarput KNR.gl alakkarneqarsinnaavoq.
Aamma atuaruk Folketingimut qinersineq KNR-imi
