Kulturi

Rasmus Lyberth DMA Folkimi nersornaasigassatut innersuunneqartoq

Danish Music Awards Folk 2015-ip ukiormanna nersornaasigassatut innersuunneqartut avammut nalunaarutigeqqammerpai, taakkununngalu ilaavoq Rasmus Lyberth immikkoortuni pingasuni nersornaasigassatut innersuunneqartoq. Atuagassiaq Gaffa nittartakkamini taama allaaserisaqarpoq.

Allattoq Simon Uldum -

oktobarip 28-at 2015 07:23

Arfininngornermi novembarip 28-ani nuannannersuaqassaaq, Danish Music Awards Folk 2015-imimi nipilersortartut, tusarnaartitsisarfiit nipilersornikkullu suliaqartut allat Københavnimi Vesterbromi innuttaasut illutaavanni Abasalonimi nersorniarneqassapput.

Rasmus Lyberth saqqummersitani kingulleq “Alaatsinaassuseq Aquttoralugu/ Nysgerrighed Som Styrmand" pillugu immikkoortuni Ukiormanna erinarsuusiortumut, Ukiormanna erinniortumut aammalu Ukiormanna saqqummersitamut nersornaasigassatut innersuunneqarpoq.

AAMMA ATUARUK Nunatta erinarsortartorsua - Rasmus Lyberth - inuuissiorpoq

Immikkoortuni arfinilinni nersornaatisisoqassaaq: Ukiormanna saqqummersitaq, Ukiormanna erinniortoq, Ukiormanna erinarsuusiortoq, Ukiormanna nipilersortartoq/Erinarsortartoq, Ukiormanna piukkunnaatilik kiisalu Ukiormanna Ileqqutoqqat pillugit nersornaat.

Rasmus Lyberth DMA Folkimi nersornaasigassatut innersuunneqartoq

Aamma atuaruk