VIDEO Randi: Urani pillugu isumaqatigiissut pingaartorujussuuvoq
Uranimik nunatsinneersumik aningaasarsiutigalugu avammut tuniniaanermik akisussaaffinnik avitseqatigiinneq isumaqatigiissutinut sisamanut aaqqissuutaavoq.
tamakkiisumik isigalugu isumannaallisaanermi aalajangersakkat nunallu tamalaat isumaqatigiissutaasa eqquutsinneqarnissaat Danmarkip akisussaaffigaa.
Isumaqatigiissutillu ujaqqanik qinngualanertalinnik Nunatsinniit piiaalernissamut aalajangiisuusututut, inuussutissarsiornermullu naalakkersuisup, Randi Vestergaard Evaldsenip, taarusuppai:
-Kalaallit Nunatsinnut pingaruteqartourujuuvoq. Isumaqatigiissutit aammalu aalajangersakkat suleriaqqinnissamut tunngaviliisorujuusussaapput.
Aamma atuaruk URANI Uranimik avammut nioqquteqarneq Danmarkip akisussaaffigissavaa
Aamma atuaruk Ilisimatooq: Uranimik tuniniaalinnginnermi suliassarpassuaqarpoq
Uran sorsunnerunngitsumuinnaq atorneqassaaq
Uranip avammut tunisap sorsunnermik siunertaqanngitsuinnarnut atorneqarnissaa, Danmarkip aamma qularnaartussaavaa. Assersuutigalugu imaassinnaavoq Greenland Minerals Energy, GME, Finlandimi atomip nukinganik nukissiorfimmut, innaallagissiortumut, uranimik tuniserusuttoq.
Taava urani avammut tunisaasoq grammi ataaserluunniit sumiinnersoq Danmarkip nassuiarsinnaasariaqarpaa. Aamma urani Canadamiit Australiamiillu avammut tunisaq taama pineqartarpoq.
- Nunatsinniit anninneqarneraniit apuuffissaanut apuunnissaata tungaanut isumannaassavaat ilisimassallutigu sumiissanersoq.
Aamma atuaruk VIDEO Nunarput Danmarkilu Urani pillugu isumaqatigiipput
Aamma atuaruk Uranimik piiaavissaq tusarniaassutigineqartoq
Aamma atuaruk Uran-imik piiaanissamut mianersoqqusisut
Qinngualanernut ulorianarsinaaneri Danamkip akisussaaffigai
Danmarkip isumannaallisaanermi, nunanut allanut tunngasunut illersornissamilu politikkikkut akisussaaffeqaannarani, aamma sullivinni avatangiisit pitsaasuunissaannut akisussaaffeqarpoq. Assersuutigalugu qinngualanernit eqqorneqannginnissaq akisussaaffigaa.
Nunattali aatsitassat pigai, nunatsinnilu uranimik piiaarnermi atortulersuutit sanaartorneqarlutillu atugassat akisussaaffigalugillu. Taavalu aamma uranimik uninngasuuteqarnermut eqqagassallu qinngualanillit passunnissaannut akisussaalluni.
Randi Vestergaard Evaldsen aperaarput, urani pillugu isumaqatigiissutit ima eqaatsigisumik suliaanersut inuussutissarsiortut aamma sulinerminni najoqqutarisinnaallugit:
- Isumaqarpunga ingerlalluartorujussuusasut. Uani aamma atsioqatigiittoqareerami aammalu isumannaareerlugit suleriaatsit qanoq issanersut. taamaammat upperilluinnarpara, suleriaaseq ingerlalluassasoq, inuussutissarsiornermut naalakkersuisoq, Randi Vestergaard Evaldsen, oqarpoq.