Politikki

Qujaukitsup Royal Greenlandip pilersaarutai isummerfiginianngikkai

Inuussutissarsiornermut Suliffeqarnermullu Naalakkersuisup Royal Greenlandip sulisussanik Kinamiunik tikisitsinissamik pilersaaruteqarnera isummerfigissallugu siusippallaarsoraa. Taassuma qulaajaaneq pisoq utaqqimaaqqaarniarpaa.

Allattoq Thomas Munk Veirum, Mads Pedersen

oktobarip 25-at 2016 14:13

Royal Greenlandip sulisussanik kinameersunik tikisitsisariaqarluni nalunaaruteqarnera Nunatta ajorsarnerigaa, Sulinermik Inuussutissarsiuteqartut Kattuffianni siulittaasup, Jess G. Berthelsenip, Sapaatip akunnerata siuliani oqaatigaa.

Aamma atuaruk Jess G. Berthelsen: Sulisussanik amigaateqarneq nunamut tamarmut ajorsarneruvoq

Vittus Qujaukitsorli taamak nalileerusunngilaq. Naliliitinnanimi qulaajaanerup inernera takoqqaarusuppaa.

- Aalisakkeriviit suliffissaaleqinerup nalaani sooq sulisussanik amigaateqartarnerat qulaajaaffigalugu massakkut ingerlatsivugut, Vittus Qujakitsoq Royal Greenlandip sulisussanik 30-inik kinamiit tikisitsisariaqarnermik nalunaaruteqarnera pillugu KNR-imut taama oqarpoq.

Aamma atuaruk Royal Greenland sulisunik Kinameersunik tikisitsiniartoq

Taassuma erseqqissaatigaa innuttaasut illoqarfinni allani suliffissaqartillutik nuunniaraangamik tapiissutisisarnerat iluatsilluarsimasoq.

- Nuttartarnermut inunnik 306-inik aningaasaliissuteqarnikuuvugut. Taamaattumik nuttartarnermut aningaasaliissutit atorluarneqarput. Aningaasaliissutilli naammannersut oqaatigiuminaappoq, Vittus Qujaukitsoq oqarpoq.
Taassuma aamma oqaatigaa, inatsit, Nunatta avataaniit sulisussanik tikisitsisarnerannt tunngasoq, sukangasuusoq Royal Greenlandilu allalluunniit tikisitsiniaruni qinnuteqaqqaartussaasoq.

Vittus Qujakitsup tusagassiortunik katersortitsinera ataani takuuk