PITUFFIK Qujaukitsoq: Eqqartuussinermi aalajangiineq atuaqqissaarneqassaaq
- Eqqartuussinerup imarisaa atuaqqissaaqqaassavarput, kingornalu iliuuserineqarsinnaasut uterfigalugit, Vittus Qujaukitsoq KNR-imut oqarpoq.
Taassuma aamma oqaatigaa eqqartuussiviup aalajangernera qanoq qisuariafigissanerlugu eqqarsaatersuutigineqartoq.
Eqqartuussiviup aalajangiinermi tunngavilersuutaasa ilagaat suliffeqarfiit pingasut pineqartut suliariumannittussarsiuussinerup nalaani isornartorsiuisimannginnerat.
Aamma atuaruk Qujakitsoq: Eqqartuussut tusaatissatut tiguarput
Amerikami inatsisit naapertorlugit suliariumannittussarsiuussinermi ajugaasut toqqarneqarnerisa kingorna naammagittaalliornissamut pisinnaatitaaffik annaaneqartarpoq.
Suliariumannittussarsiuussinermilu malittarisassat allanngortinneqarmata Naalakkersuisut qisuariarsimanngillat.
Vittus Qujaukitsulli eqqartuussinermi nunarput ilaasimanngitsoq naqissuserpaa.
Aamma atuaruk :Pituffik pillugu suliaq aalajangiiffigineqartoq
- Iseqqissartariaqarpoq Kalaallit Nunaat eqqartuussinermi akuunngilaq. Suliffeqarfiit maalaaruteqarsimasut kisimik eqqugaanngilllat, tassanilu nunarput toqqaannartumik iliuuseqarsinnaanani, Vittus Qujaukitsoq oqarpoq.
Taamaattorli nunatta iluanaaruteqarsinnaanissaa politikkikkut sulissutigerusullugu Nunanut allanut tunngasunut naalakkersuisup oqaatigaa
- Illersornissamut isumaqatigiissut aallaavigalugu nunatta annerpaamik pissarsiaqarnissaa qulakkeerniartussaavarput. Taamaattumik eqqartuussisoqarnera apeqqutaatinnagu nunatta USA-mut isumaqatigiinniarneq ingerlaannassaaq, VIttus Qujaukitsoq oqarpoq.
Aamma atuaruk :pillugu-suliaq-aalajangiiffigineqartoq