Qimminut akiuussusersuisartutut 26-t allagartartaartut
Qimminut akiuussusersuisartutut 26-t allagartartaartut Namminersorlutik Oqartussat nittartagaanni atuarneqarsinnaavoq.
Kalaallit Nunaanni Uumasunut Nakorsaqarnermut Inuussutissalerinermullu Oqartussaaffiup qimminut akiuussusersuisartutut kalaallinik ilinniartitsinertik sisamassaat naammasseqqammerpaa, Upernavimmi, Sisimiuni Ilulissanilu pikkorissaasoqarluni:
Allagartartaartut najukkani qimuttoqarfinni qimminut, qimmit peqqinnissaannut qimmillu nappaataannik annertunerusumik ilisimasaqalersut, Namminersorlutik Oqartussat tusagassiuutinut nalunaarummi allaaseraat.
AAMMA ATUARUK Avannaani qimmit nappaataannik nappaalasoqartoq pasitsaanneqarpoq
Uumasunut Nakorsaqarnermut Oqartussaaffiup qimmit qimuttut peqqissuutinnissaat pillugu nukippassuit atortariaqartarpai, uumasullu nakorsaanit ikiorsiisoqartarlunilu siunnersuisoqartarluni. Kalaallit qimmiisa qimuttut piujuaannarnissaat qulakkeerniarlugu akiuussusersuisartunik ilinniartitsisoqartarluni.
"Qimmit Qimuttut pillugit Inatsit"-ip allanngortinneratigut qimmit qimuttut siunissami piujuarnissaannut suliat annertunerusumik ukkatarineqalerput.
Qimmit tamarmik qimmit nappaataannut parvovirusimullu akiuussutissanik inatsisip allanngortinnerata kingunerisaanik kapineqartartussanngorput.
AAMMA ATUARUK Qimmiaqqat akiuussutissamik kapineqassasut
Qimmit mikrochipsimik tamatuma saniatigut nalunaaqutsersorneqartartussaalerput, qimmillu ataasiakkaat taakkulu piginnittui pillugit paasissutissat nuna tamakkerlugu qarasaasiakkut toqqortaatigineqalerlutik.
Uumasunut Nakorsaqarnermut Inuussutissalerinermullu Oqartussaaffiup akiuussusersuisartunngortut nutaat suleqatiginissaat qilanaaraa:
- Pineqartut innuttaasunik, oqartussanik minnerunngitsumillu Kalaallit Nunaanni qimminut tamanut annertuumik pingaarutilimmillu sullissipput, Namminersorlutik Oqartussat taama oqarput.
AAMMA ATUARUK Qimmit nappaataata Ilulissanut anngussimanissaa aarleqqutigineqartoq