Assi: KNR

Qaannamik unammersuarneq naammassivoq

Nunatsinni qaannamik unammersuarnerit Aasianni sisamanngormat naggaserneqarput.

Qaannamik unammersuarnerit juulip 13-i aallartipput, peqataasullu katillugit 180-it missaaniillutik.

Nunatsinni illoqarfiit arfineq-marluk unammersuarnermi peqataatitaqarput, tassaassut Uummannaq, Ilulissat, Aasiaat, Sisimiut, Nuuk, Qaqortoq aamma Nanortalik. Aammali nunanit allanit peqataasoqarpoq, tassa Danmarkimiit, Norgemiit, Sverigemiit, USA-miit aamma Taiwanimiit.

Angutini angusarissaaenerpaavoq Qajaq Sisimiuneersoq Kunuunnguaq Davidsen.

Unammersuaarnermi arnani angusarissaarnerpaasoq ujaminnannerpaarlu angusarissaarnissani ilimagipajaareersimavaa.

- Arnat utoqqasaaniittarpunga nalinginnaasumik unammigaangama, taava inersimasunut qinnuteqarnikuuvunga 20-niit 34-nut ukiulinni. Taamaammat nalileruminaassimavoq, kisianni parrunnerni ilimagipajaarlugu ajugaanissara, Angerlaq Andersen Olsen Qajaq Sisimiuneersoq taama oqarpoq.

AAMMA ATUARUK Peqatigiiffik Qajaq Aasianni aallarteqqippoq

Qaannamik unammersuarnerit ukiuni 30-nngortorsiorluni ingerlanneqarnerat Aasianni aamma malunnartinniarneqarpoq.

Aasiaallu qajartorfigissuusoq Qaannat Kattuffianni ataqqinaammik ilaasortap unammersuaarnermilu malinnaasup oqaatigaa,

aammali unammersuarnerit naammassilluarmata iluarisimaarlugu.

- Nuannerpoq ajutoortoqarani unammersuaarneq naammasilermat. Ullut arlalissuit ingerlapput, unammissutit assigiinngitsut qulingiluat unammissutigineqarlutik. Taamaattumik nuannertarpoq taamatut ajunngitsumik naammasiigaangami, Kaaleeraq Beck oqarpoq.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!