Suka K. Frederiksen: Puiaasanik utertitsisarnermi periarfissat misissorneqarput

Avatangiisinut naalakkersuisup, Suka K. Frederiksenip, puiaasanik utertitsisarnermi periarfissat misissorneqartut tassungalu atatillugu nalunaarusiamik suliaqartoqartoq oqaatigaa.

12.01.17-mi qulequtsiussaq: Suka K. Frederiksen: Nalunaarut suliarineqaleruttorpoq naqqinneqarpoq imaalerluni:  Suka K.Frederiksen:  Puiaasanik utertitsisarnermi periarfissat misissorneqarput.

Naalakkersuisut naqqiissutaat uani atuarneqarsinnaavoq.

Puiaasanik utertitsisarnerup unitsinneqarnissaata qillertuusanillu atuilernissap naalakkersuisunit avammut nalunaaruteqarsimanera pissutigalugu Nuuk Imeq A/S-ip 2018-ip naanerani matuneqarnissaa innersuussutigineqarpoq.

Nuuk Imeq A/S matussagaluarpat atorfiit 50-t missaanniittut annaaneqassapput. Matusariaqarnermilli oqariartorneq siorasaarinerunngitsoq Nuuk Imermi siulersuisut siulittaasuata, Justus Hansenip, oqaatigaa. 

- Siorasaarinngilagut. Pissutsit piviusut aallaavigalugit takusinnaasagullu naapertorlugit nalunaaruteqarpugut, Justus Hansen KNR-imut oqarpoq. 

Nuuk Imermi maskiinat atorneqartut nungullarsimaqimmata ikinnerpaamik 20 millionit koruuninik aningaasaliinissaq pisariaqalersimavoq. Nuuk Imerli aningaasaliissaguni immiaaqqanik imeruersaatinillu pitsaasunik maqitsisarnerup ingerlaannarnissaanut Kalaallit Nunaanni puunik aaqqissuussinermut nutaamut ikaarsaariarnissamik aaqqissuteqartoqarnissaa piaartumik pisariaqarpoq. 

AAMMA ATUARUK Nuuk Imeq A/S-ip matuneqarnissaa innersuussutigineqartoq

Maqitsiviit allat periarfissinneqarsinnaasut

Avatangiisinut naalakkersuisup, Suka K. Frederiksenip, nalunaarusiortoqaleruttortoq oqaatigaa.

Taassuma Qanoruumi apersorneqarnermini oqariartuuigaa maqitsivinnik pilersitserusussinnaasut allat aamma periarfissinneqartariaqartut. Taassuma nalunaarutip puiaasanut tunngasup allanngorsinnaanera mattutinngilaa. 

- Aallartisarniartut isiginngitsuusaaginnarsinnaanngilagut. Taakku aamma periarfissaqartariaqarput. 

- Soorlu Nuuk Imeq taamatut periarfissaqartitaanikuusoq. Aallaqqaataaniillu patajaatsumik aallariarnissaminut  nalunaarut aqqutigalugu toqqammavigissaarluni inissinneqarnikuulluni. Inuussutissarsiortut allat aamma taamak pineqarnissaminnik pisariaqartitsipput, Suka K. Frederiksen KNR-imut oqarpoq. 

Avatangiisinut naalakkersuisut Qanoruumit apersorneqarnera qulaani takusinnaavat. 

AAMMA ATUARUK Namminersorlutik Oqartussat Nuuk Imermut tunngatillugu akisussaasuupput

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!