Assi: Simon Uldum

GE: Namminersorlutik Oqartussat Nuuk Imermut tunngatillugu akisussaasuupput

Nunatsinni immiaaqqanik sodavandinillu tunisassiorneq Namminersorlutik Oqartussat ulorianartorsiortippaat. Nuuk Imermik piginneqataasut immiorfiup tunisassiorneranik 2018-ip naanerani unitsitsinialersaarnerannik ataasinngormat tusarliussisoqareersoq sulisitsisut peqatigiiffiat, GE, taama qisuariaateqarpoq.

GE-p tusagassiorfinnut nalunaarutaa naapertorlugu, Namminersorlutik Oqartussat poortuutissat pillugit malittarisassat pillugit paamaarussinermikkut matunissamik nalunaaruteqartoqarneranut toqqaannanngikkaluartumik akisussaasuupput.

- Naalakkersuisuusartut poortuutissat pillugit nalunaarutip 2002-meersup nutarteriffigineqarnissaanik ukiuni arlalinni nalunaaruteqartarput. Poortuutissanulli siunissami malittarisassat qanoq ikkumaarnerinik nunatsinni immiaaqqanik imeruersaatinilu tunisassiortut suli paasitinneqarsimanngillat.

AAMMA ATUARUK Nuuk Imeq A/S-ip matuneqarnissaa innersuussutigineqartoq

- Nutaaliornissamut tunisassianillu ineriartortitsinissamut kinguarsaataavoq aningaasalersuisartunullu nalornilersitsilluni, GE-mi pisortaq, Brian Buus Pedersen, tusagassiorfinnut nalunaarummi taama oqarpoq.

Sulisitsisut peqatigiiffiata GE-p namminiilivinnermut, pinngortitamut, avatangiisinut nunalerinermullu naalakkersuisoq kajumissaarpaa poortuutissanut nalunaarummik nutaamik piffissamullu naleqqunnerusumik tunisassiortunullu, atuisunut avatangiisinullu iluaqutaasussamik piaartumik eqqusseqqullugu.

AAMMA ATUARUK Puiaasat utertittakkat isumaliutigeqqinneqartut

AAMMA ATUARUK Nuuk Imeq matusariaqarsinnaavoq

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!