Camp Century Atomi pillugu akuersisoqarnikuuneranik politikkerit ilisimatinneqarsimasut
Folketingimut ilaasortaq Aaja Chemnitz Larsen KNR-imut pingasunngorpat ima oqarpoq.
- Paasissutissat uannut nutaajupput.
AAMMA ATUARUK Atomip eqqagassartaanik sermersuarmut inissiinissaq Danmarkip akuerisimavaa
Aamma nunanut allanut tunngasunut ministeriusimasoq radikalit maanna nunarput pillugu oqaaseqartartuat Martin Lidegaard sisamanngormat ima oqarpoq.
- Taamaattumik allagaateqarnerput tupaallaatigaara.
Taama qisuariarput, USA-p USA-p Camp Centurymi atominik innaallagissiutiliorsinnaaneranik imermillu ulorianartunik qinngulanertalimmik sermersuarmut eqqaasinnaaneranik, Danmarkip 1960-imi akuerimammagu.
AAMMA ATUARUK Camp Centurymi saliinissaq professorip mianersoqqussutigigaa
Kisianni Nunarput pillugu ataatsimiititaliaq akuersinermik arlaleriarlugu ilisimatinneqartarsimavoq. 2013-imi, 2014-imi siornalu oktobarimi taamaaliortoqarpoq, nunanut allanut tunngasunut ministeri Kristian Jensen 1960-imi akuersissut pillugu qallunaat amerikamiullu nalunaarusiaannut innersuussimmat.
Nalunaarusiat tamakkua internettikkut aamma nassaassaapput. Aamma Naalakkersuisuisut taamani siulittaasuat, Aleqa Hammond, akuersisuteqarnermol 2014-mi ilisimatinneqarpoq.
Paasissutisiissutit ilaatigut Martin Lidegaard-imit ministeriunermi nalaani namminermit tunniunneqartut. Maannali pigorsimarpasitai.
- Miniteriuninni taamattoqarnera ilisimasaqarfiginngilara. Ilaannilu ujarlernerunissaq pisarisaqartarpoq. Qujanaqaarlu taamaaliortoqarmat, Lidegaard oqarpoq.
AAMMA ATUARUK Camp Centurymi mingutsitsineq Danmarkip misissuiffiginiaraa
Aamma Inatsisartut nunanut allanut sillimaniarnermullu ataatsimiititaliaani siulittaasoq, IA-meersoq Ane Hansen, 1960-mi akuersisimanermut tupappoq.
Danmarkilli akuersissuteqarsimanera nunatsinni nunanut allanut tunngasunut pisortaqarfimmiit ilisimalluarneqartoq, KNR-imiit paasivarput.
Tassannganniit akuersisuteqarsimaneq, Camp Centurymi saliinissamut Danmarkip akisussaasuunissaanut tunngaviutinneqarpoq.
Inatsisartut nunanut allanut sillimaniarnermullu ataatsimiititaliaa Vittus Qujaukitsumik ataatsimeeqateqarpoq.
