Løkke Rasmussen: Piffissaq kunngikkormiunut imaannaanngilaq

Prins Henriup danskit kunngeqarfiani atuuffini taaguutini iluarinagit dronning Margrethe iliveqatiginngiinnassavaa.
Assi © : DR
Allattoq Ritzau
aggustip 11-at 2017 12:46

Tamanna sapaatip akunnerata siuliani nutaarsiassani takussaangaatsiarpoq. Prins Henriullu kingorna oqaatigaa dronningimit nalimisumilli ataqqineqarani.

AAMMA ATUARUK Dronningen og prins Henrik skal begraves hver for sig

Ministeriunerup Lars Løkke Rasmussenip pisoq alianaraa. Venstrep Aalborgimi aasaanerani ataatsimeersuarnermut atatillugu tamanna oqaatigaa.

- Kunngikkormiut ilaqutariit ataqqingaatsiarlugillu asanninneqarfigaakka. Kunngeqarfimmi pisut imaannaanngillat.

- Kunngikkormiuni aappariit akornanni pisut oqaaseqarfigerusunngilakka. Ilaqutariilli allat avataatigut aamma inuuneqarsinnaatitaanerat ataqqeqqunaqaaq, pingaartumik prins Henrik soraarninngoreersimasoq.

- Dronningip nunamut asaqisaminut suliaqarnera nersortariaqarpoq, Løkke oqarpoq.

Prins Henrik atuagassiamit sapaatip akunneranut saqqummertartumit apersorneqarnermini dronningimit naligiittutut inissinneqannginnermigut kunngitut uiusutut taaguuseqartinneqannginnermigut illaruaatissanngortinneqarnerarpoq.

AAMMA ATUARUK Nuliama illaruaatissanngortippaanga

- Nuliama nuliaasut allat uiminnut ataqqinnittarnerattulli ataqqinngilaanga, prinsi oqarpoq.

Taamaattunillu oqaaseqaraluarluni prins Henriup dronning Margrethep dronningiorusunnera nuannaralugu nulianilu asallugu erseqqissaatigaa.

- Inuttulli nalussanngilaa angut arnarlu katissimagunik taava nalingiipput, prins Henrik oqarpoq ukiorpassuarnilu kissaatigisimasani tassa kunngeqarfimmi nalingiinnerusumik inissisimatitsilertussamik taaguuteqalernissaq innersuussutigalugu.

Kunngitut taaguut pigilersinnaanngilaaq. Tamanna inatsisini tunngaviusuni allassimavoq.

AAMMA ATUARUK Kunngissap ataatami aalajangernera aliasuutigigaa

Kunngissap Frederiup pisoq Ekstra Bladetimut ima oqaaseqarfigaa:

- Oqaannarsinnaavunga ataatama aalajangernera arlalippassuartigut assut ajuusaarutigalugu. Maannaakkorpiaq oqaaseqarfigeqqissinnaanngilara.

/ritzau/