Dronningi prins Henrillu immikkut illerfeqassasut

Prins Henriup dronning Margrethellu pilersaarutaagaluartutut ilerri sanileriissanngillat. Kunngikkormiut tusagassiutinut tamanna uppernarsarpaat.

 - Ataqqinartorsuup prins Henriup Roskildep Oqaluffissaarsuani pilersaarutaagaluartutut ilisaanissani kissaatiginngikkaa kunngeqarfiup ullumi saqqummersippaa.

- Prinsip ataqqinartorsuup dronningip illerfiata, professorip qiperusartullu, Bjørn Nørgaardip qiperugaata saniani iliverneqassanani aalajangiinermi ilaatippaa.

Kunngikkormiut ilanngullugu oqaatigaat, dronning Margrethe ”aalajangiinermut isumaqataasoq”.

Aappariit kunngikkormiut immikkut illerfeqassasut kunngikkormiut attaveqaqatigiinnermut pisortaata, Lene Ballebyp BT-mut uppernarsarpaa. Prins Henrik kunngikkormiuni inissisimaffimminik iluarinninnginnera tamatumunga peqqutaavoq:

- Prinsip danskit kunngeqarfiani inissisimaffini taaguutinilu ukiorpassuarni iluarisimanngikkai isortuussaanngilaq. Iluarisimaarinninnginnera ukiuni kingullerni annertusiartuinnarsimavoq, BT-mut oqarpoq.

- Prinsip dronningip saniani illerfeqarusunnginnerminut aalajangiinerani aapparmisulli naleqartitaanngitsutut, taaguutigerusutaminik atuuffigerusutaminillu tunineqannginnerata kinguneraa.

/ritzau/