Kunngissap ataatami aalajangernera aliasuutigigaa
Prins Henriup nuliami dronningip Margrethep saniani ilineqarusunnginnerminik prinsitullu inisissimanerminik naammagisaqannginnerminik nalunaaruteqarnera, Kunngissap Frederiup ullumi sisamanngornermi siullermeertumik oqaaseqarfigaa.
Kunngissaq ilaqutariinni perulluliortoqarnera qatanngutinilu qanoq isumaqarfiginerlugu Aarhusimi aaqqissuussinermut atatillugu, aviisimit Ekstra Bladetimit aperineqarpoq.
- Oqaannarsinnaavunga ataatama aalajangernera arlalippassuartigut assut ajuusaarutigalugu. Maannaakkorpiaq oqaaseqarfigeqqissinnaanngilara, kunngissaq Frederik akivoq.
AAMMA ATUARUK Dronningen og prins Henrik skal begraves hver for sig
Prins Henrik Dronningip saniani Roskildemi ilisaaniarani oqaaseqarmat nunanit tamalaanit tusagassiorfinnit sammineqaqaaq.
Kingornalu Dronningimit kunngitut suaarutigineqarnikuunnginnini aamma isornartorsiormagu aamma oqallisigineqangaatsiarluni.
AAMMA ATUARUK Nuliama illaruaatissanngortippaanga
