Olsvig meeqqat angerlarsimaffianni ammaanersioqataasoq
Angerlarsimaffik Puilasoq Qasigiannguaniippoq meeqqallu arfineq-pingasut inissaqarlutik, Qaasuitsup Kommuniani kommunalbestyrelsimut ilaasortaq Kristian Jeremiassen tusagassiuutinut nalunaaruteqarpoq.
Meeqqat sivikinnerusumi meeqqat angerlarsimaffianniittarnissaat siunertaalluni angajoqqaat aamma katsorsarneqartassapput.
Tamannalu Kristian Jeremiassenip nuannaarutigaa.
- Qaasuitsup kommunalbestyrelseata angajoqqaat ajornartorsiortut ikiorneqarniarnerat annertuninngussasoq aalajangernikuuaa, Kristian Jeremiassen oqarpoq.
Isumaginninnermut naalakkersuisoq Sara Olsvig Qaasuitsup Kommunianilu isumaginninnermut pisortaq Henrik Soloy ammaanermi ilaatigut peqataapput.