Nuummi Qeqqata ilinniarnertuunngorniarfiani siooraneq qaangiuppoq

- Kalaallit Nunaanni politiit pisortaat Lars Kierkegaard KNR-imut oqarpoq Qeqqata ilinniarnertuunngorniarfianut sioorasaarineq politiinut ullup qeqqata missaani nalunaarutigineqarmat tamatuma kingorna Qeqqata ilinniarnertuunngorfia assersorneqarpoq aamma Ilinniarnertuunngorfiani ilinniartut sulisut aamma ilinniarfiup eqqaanniittut qimagussuuneqartut. 

Aamma atuaruk Nuummi GU-mut aallaasersornissamik sioorasaarisoqarnera pissutigalugu politiit qimagussortitsisut

Taassuma aamma nalunaarutigivaa sioorasaarsimasumik ilimagisaqarlutik.

- Qanoq iliorluni sioorarisoqarsimanera maannakkut oqaatigisinnaanngikkallarpara aamma inuk qanoq ittoq ujaarineripput maannakkut oqaatigisinnaanagu, Kalaallit Nunaanni politiini pisortaq, Lars Kirkegaard, tugassiortunik katersortitsinermi ualimut sisamanut taama oqarpoq.

- Kisianni inummik sioorasaarisimasinnaasumik ilimagisaqarpugut taakkuuppulllu maannakkut oqaatigisinnaasagut, Lars Kirkegaard oqarpoq.  

Taakkua eqqareerlugit, pisoq ilungersunartorujussuartut isigineqarpoq  politiillu misissuinerminni paasissutissiissutigisinnaasaat maannakkut killeqarput, Lars Kirkegaard ualimut sisamanut tusagassiortunik katersortitsinermi taama oqarpoq.

Inuk sioorasaarisoq kinaanersoq sumiinnersorlu politiinit maanna paasiniarneqarpoq, politiiniillu kaammattuutigineqarpoq politiit Nuummi sumi tamani suleranni eqqissisimaqqullugit politiillu qanillatornaveersaarneqassut.

E-mailikkut sioorasaarisoqarpoq

Qeqqata ilinniarnertuungorfia ullup qeqqata missaani politiinut saaffiginnippoq ilinniarfimmut sioorasaarisoqarsimanera nalunaarutigineqarluni, saaffiginissutigineqartorlu poliinit ilungersunartutut nalilerneqarmat, ilinniartut sulisullu Katuamut qimagussuutsinneqarput.

Politiit Katuamiittut KNR-imit oqaloqatigineqartut oqarput, sioorasaarineq qarasaasiakkut mail atorlugu Qeqqata Ilinniarnertuunngorniarfianut nassiunneqarsimasoq. Mail-ikkut nassissineqartoq, USA-mi Sverige-milu atuarfinni aallaasersortarnernit isumassarsiarineqartoq, tamannali Lars Kirkegaardip ilumoornersoq ilumunngunngersorluunniit uppernarsarsinnaanngilaa.

Politiit aammaarlugu erseqqissaatigaat, Qeqqata ilinniarnertuungorniarfiani eqqaanilu inunnik ajoqusertoqanngimmat.