Kulturi Nunanit allanit

Nunavummi filmiliaq Cannesimi alutorsaatigineqartoq

<div> <p>Filmi nutaaq "Two lovers and a bear" Nunavummi filmiliarineqartoq,  filmit pillugit Cannesimi nunat tamalaat festivalernerini ippassaq sapaammi unnukkut naammassineqartumi takuteqqaarneqarpoq.</p> </div>

Allattoq Marianne Stenbæk, Montreal, Canada

maajip 23-at 2016 08:14

Takutinneqareermallu ersaartaassutigineqarluarsimasoq, Canadami tusagassiorfiit arlallit allaaserisaqarput.

Filmi pineqartoq filmiliat ataatsimoortut Quizannemik taaneqartut ilagaat, ilitsersuisartut inuusuttut immikkut sammineqarlutik. Filmi Montrealimeersup Kim Nguyenip ilitsersuisuuffigaa inuusuttullu marluk Nunavummi nunaqarfeerarmiut oqaluttuarineqarput.

Nunaqarfeeqqamut Qalasersuarmit kilometerinik 400-nik ungasitsigisumiittumut qimaasimapput, inuuneq nutaaq aallartinniarlugu tassanilu nanoq oqalussinnaasoq ikiorsiullugu eqqissillutik inuulerput.

Filmi Iqalunni eqqaanilu filmiliarineqarpoq. Filmiliarineqarneranilu aqquserngit qullii qaminngatinneqarput, Kim Nguyenip Issittup qaamarnga qanoq-ittuuneralu takutilluarumallugu immiussinerup nalaani aqquserngit qulliisa qaminngatinneqarnissaat Iqalunni aqutsisunut noqqaassutigisimammagu.

Filmi takutinneqareermat isiginnaartut nikorfaallutik minutsini tallimani ersaartaassutigaat. Taamaalilluni Issittumi filmiliamik Nunavummeersumik Cannesimi Filminik Festivalertoqarnera kingumut iluatsitsilluartoqartoq, Canadami tusagassiorfiit arlallit taama allaaserisaqarput.

Nunavummi filmiliaq Cannesimi alutorsaatigineqartoq

Aamma atuaruk