Nunatta karsia milliardip sisamararterutaanik amigartooruteqarfiusoq
Namminersorlutik Oqartussani atorfilittat missingersuutigisimasaannit Nunatta aningaasaqarnera ajornerungaatsiartumik inissisimavoq. Aningaasaqarnermut Nunami namminermullu naalakkersuisoqarfiup septembarip qaammataani kontunik misissuinerani nalinginnaasumi, Inatsisartullu ataatsimiititaliaani suliarineqartussaagaluartumi, tamanna atuarneqarsinnaavoq.
Nunatta amigartoorutai tamarmiusut piffissami tassani milliardip sisamararterutaata missaanniittut, allagaatini atuarneqarsinnaavoq
2014-imi septembarip qaammataata naanerani DAU-mi angusat 248,8 millioninik amigartooruteqarfiupput. Tamannalu 2014-imut tamarmut DAU-p 51,4 mio. koruuninik amigartooruteqarfiunissaanik missingersuutigineqartumit annertunerungaatsiarpoq.
DAU isumaqarpoq ingerlatsinermut, sanaartornermut taarsigassarsititsinermullu missingersuutit, nunattalu karsiata angusaanut tunngatillugu atorfilittanit atorneqartarluni. Aamma:
"DA-mi angusat aamma 281,8 mio. koruuninik amigartooruteqarfiupput, DA-mi amigartoorutissatut missingersuutigineqartunit 127,1 mio. koruuniusunit annertunerungaatsiarlutik.”
Aamma atuaruk IA-p Demokraatillu amigartoorutissat saqqummiuteqqugaat
Aamma atuaruk Tupatortartut imigassartortartullu ikinnerummata nunatta karsia amigartooruteqarpoq
Aamma atuaruk Vittus Qujaukitsoq: Nunatta karsia amigartooruteqassaaq
Aamma atuaruk GA-p Vittus Qujaukitsoq akissuteqaqqugaa