Vittus Qujaukitsoq: Nunatta karsia amigartooruteqassaaq
Taama nassuerutiginnittoqarpoq inatsisartut aningaasaqarnermut ataatsimiititaliarigallagaanni ilaasortap Naaja Nathanielsenip aamma sulisitsisut peqatigiiffianni pisortap nunatta karsiata inissisimaneranik paasisaqarusullutik ujartuinerisa kingorna.
Aningaasanut inatsimmi 2014-mut atuuttumi missingersuutit amigartooruteqassapput,
Vittus Qujaukitsoq oqarpoq.
- Amigartooruteqarnissaq inatsisartut ukiakkut ataatsimiinnerat aallartittoq ilimasaarutigereernikuuarput, akitsuutit tupamut imigassamut kiisalu akileraarutitigut isertitakinnerunissamut taavalu isertitassatut naatsorsuutigineqartut nikeriarnerat pissutigalugu amigaartooruteqarnissaq ilimagisariaqarpoq, Vittus Qujaukitsoq oqarpoq, oqaluttuarlunili aningaasartuutit inatsisitigut pituttorneqartut misingersuutit malikkat.
Naaja Nathanielsenip nunatta karsiani aningaasartuutit ataasiakkaat misissorneqarnissaat sapaatip akunnerani kingullermi ujartorpaa. Tassa qaammaatit pingasukkaartumik missisorneqartarnerat piffissami sivitsormi nalinginnaasuummat.
Amigaartoorutit qanoq amerlatiginersut Vittus Qujaukitsup maannangaaq oqaatigisinnaannginnerarpaa.
- Oqaatigisinnaanngilara aamma uterfigiumaarpassi inatsisatuni ataatsimiititaliat ilisimatinneqareerpata immikkuualuttortai pillugit saqqummiiumaarpunga, Vittus Qujaukitsoq oqarpoq.
Sulisitsisut peqatigiiffianit GA-mit tusatsiakkat malillugit nunatta karsia 300 millioner koruuninik amigaartooruteqassasoq oqaatigineqarpoq.
Tamannali aningaasaqarnermut naalakkersuisuugallartup isummerfiugiumanngilaa.
2014-mut missingersuutigineqartunut sanilliullugu nunatta karsia amigartooruteqassasoq taassuma oqaatigisinnaavaa, qanorli amerlatiginersut aqagu aatsaat nalunaarutigisinnaallugu.
