Nunatsinni inuusuttuuneq pillugu assilisanik atuakkiaq nutaaq
Atuakkamik assinik imalimmik qanittukkut saqqummersoqassaaq. Taanna taaguuteqarpoq Råstof, kalaallinullu inuusuttunut tunngasuulluni. Atuakkiortuullutik assiliisartoq Tina Enghoff aamma tusagassiortoq Anette Molbech. Taakku Paamiuni, Tasiilami aamma Nuummi inuusuttunik 2010-mit 2012-imut naapitsisarput.
Josef Joelsen, Nuuk.
Allattoq Niels Krogh Søndergaard
oktobarip 01-at 2014 09:54
Nutserisoq Elisa Isaksen
Inuusuttut inuusuttutut inuunerminnik eqqarsaatiginninnissaat nammineerlutillu assiliisaqattaarnissaat siunertaavoq. Tassa inuusuttut illoqarfik najugaqarfigisartik aallaavigalugu isummaminnik siunissaminnullu tunngasunik isummersussasut.
Atuagaq inuusuttut sammisassatut soqutigisaannik allatanik assinillu makkuninnga imaqarluarpoq: Asanninneq, maqaasineq, neriuuteqarneq aamma anniaateqarneq, atuakkiortut allapput.
Atuagaq Råstof Københavnimi Illu Atlantikumi assinik saqqummersitsinerup ammarneqarneranut atatillugu oktobarip qulinganni naqiterisitsisarfimmit Milik Publishingimit saqqummersinneqassaaq.
