Nunarput pillugu filmiliat marluk takuteqqaarneqalersut
Filmimi ateqartumi "Lykkelænder"-imi danskip eqqumiitsuliortup Lasse Lauip Kalaallit Nunaata Danmarkillu akornanni pissutsit sammivai, nunasiaateqarnerup Nunatsinni innuttaasunut sunniutigisimasaasa takussutissartai, qanorlu ililluni ullutsinni politikkimi nammineq ilusilersuerusunnermik takutitsinera.
Pisimasuinnik tunngavilik alla tassaavoq ”Slette Omstændigheder”. Tassani malinnaavigineqarsinnaavoq danskeq ilinniartitsisoq Steffen Kalaallit Nunaata Tunuata avannaani 1908-imi ilisimasassarsiornermi pisimasumik paasissaanngitsumik qulaarsiniarsarisoq.
AAMMA ATUARUK Issittormiut filmiliornermut aningaasaateqarfiliortut
Danmarkimi inuup nammineq toqqortaatigisaasa akornanni nunap assinga nassaarineqarsimasoq aallaavigalugu Steffenip uppernarsarsinnaasoraa ilisimasassarsiortup J. P. Kochip issittumi ilisimasassarsiortartut siornaammat ajunaarsimasut L. Mylius Erichsenip aamma N. P. Høegh Hagenip timaat toqungasut nassaarisimagai.
Steffili naapertorlugu nunap assingata uppernarsarpaa Kochip maannamut ukiut 100-it qaangiunnissa tikillugu toqungasut timaannik nassaarnini allanut oqaatigisimanngisaannaraa.
Copenhagen Dox ullumimiit marsip ulluisa 25-ata tungaanut Københavnimi filmertarfinni arlalinni ingerlanneqassaaq.
AAMMA ATUARUK Tukumami ilitsersuisoq Palle Kjærulff-Schmidt toquvoq