NunaMinerals annaanneqariataarsinnaasoq

NunaMineralsip akiliisinnaajunnnaarnissamik sapaatiummat nalunaaruteqaraluartoq, suli annaasiniartoqarpoq.

- Suliat aserornissat ajornanngittuaraasarpoq suliarinissaalli ajornartarlutik. Taamaattumik iliuuseqarniarpugut sunalu tamaat imminiiginnarnianngilarput, Greenland Rare Earth Projectimeersoq Patrick Newman knr-imut oqarpoq.

Aamma atuaruk NunaMineralsip akiliisinnaajunaarnini pisortatigoortumik nalunaarutigaa

Taanna NunaMineralsimut aningaasaleeqataanikuuvoq suleqataanikuullunilu, taamaammallu suliffeqarfimmut ataannarnissaanut aaqqiissutissamik maanna suliniuteqaleruttorpoq.

Taamaammallu NunaMinerals annaanniarnerani Londonimi eqqartuussissusilerisunik allanillu tapersersuisunik oqaloqateqarpoq.

- Taamaanga killikkatta ajuusaarpugut, kisiannili arlaatigut aningaasanik pissarsinissaq suli  periarfissaasoq isumaqarpugut. Tassami suliarereersimasarpassuagut asuli annaaginnarusunngilagut. Ingerlariaqikkusuppugut aammalu ilimagaara danskit piginneqataassutillit isumaqataassasut. 

Aamma atuaruk GREP-ip aningaasaliissutigisaminik annaasaqarsinnaanini ernummatigigaa