Niels Wang Illersornissamut Ilisimatusarfimmiit - Forsvarsakademi-miit soraarnialerpoq

Niels Christian Wang 2018-imi utoqqalinersiuteqalernissani pissutaalluni soraartussanngortoq Illersornissamut Ilisimatusarfimmit nalunaarutigineqarpoq.

Niels Wang 2010-mili Illersornissamut Ilisimatusarfimmi pisortanngorpoq, ullorlu manna tikillugu ilaatigut Issittumi sakkutuut suliassaanik aallussisarsimalluni, ilaatigut Illersornissamut ministeriaqarfiup Issittumi periusissaanik ilusilersueqataasuusimalluni.

Henrik Rybergip Niels Wang apriilip aallaqqaataani taarsissavaa, matumunngalu atatillugu kontreadmiralinngussalluni. Henrik Ryberg Illersornissaqarfiup Sulisunut aqutsisoqarfianni pisortap tullersortaatut atorfeqaraluarpoq.

AAMMA ATUARUK Kalaallit inuusuttut sakkutuujusussaanermut nammineq nalunaarsinnaanngussapput

AAMMA ATUARUK Sulisut nutaat Issittumi nakkutiginninnerulersitsissasut