Naalakkersuisut saqisunut imigassallersinnaanermut pikkorissaasalissasut
Inatsisissatut siunnersuut amerlanerussuteqartunit akuersissutigineqassappat neriniartarfinni imigassanillu aalakoornartutalinnik sassaallerfiusuni sulisut imigassamik akisussaassuseqartumik sassaallernissaannut pikkorissarneqartalernissaat aallarnisarneqassaaq.
Taamaattoq tamanna pisarissersuutaaginnassasoq, Ilulissani imerniartarfimmik Naleqqamik piginnittoq Heidi Poulsen oqarpoq.
AAMMA ATUARUK Imigassanik nioqquteqaqqusaannginneq immiortoqalersitsisoq
- Pisarissersuisutut isigivara, massakkut inatsisit inatsisit allanngorneqarnikuunngitsut ukiorpaalunni, ukiorpaalunnilu ingerlatsitsereernikuulluni sulilerlaat ilinniartinneqareertarput. Saniatigut taamaaliortoqartalissappat pisarissersuutaaginnartutut isigivara, Heidi Poulsen oqarpoq.
Inatsisissatut siunnersuummut akisussaasuusup, tassa peqqissutsimut naalakkersuisup Agathe Fontainip, imigassamik sassaallerfiusunut iluaqutaaginnassasoq oqaatigaa.
- Pikkorissaanikkut qanoq passussisoqarsinnaanersoq qanorlu ingerlanneqarsinnaanerat pikkorissaatiginiarparput. Killissaq sumiittarnersoq qanorlu pissusilersorfigineqarsinnaanersut, Agathe Fontain KNR-imut oqarpoq
AAMMA ATUARUK Voxpop: Udvid åbningstider for salg af spiritus
Inersimasut imigassartorneq namminneq akisussaaffiginnginnamikku?
-Taamaakkaluartoq nalunngilarput inuk imigassartorsimasoq akisussaassuseeruttartorujussuusoq. Taamaammat pisiniartitsisuniit imerniartarfimmilu sulisuninnganniit killiiliinissaq pisariaqartarpoq inuup nammineq putumasup killissani qaangeqqalertarmagu, naalakkersuisoq oqarpoq.
Imerniartarfinnili tamanna isumannaarneqareertartoq Heidi Poulsen oqarpoq.
- Sulisoqarpoq matulerisoqarpoq ajortoqarnissaanut, taakkua killilimminik aqunneqarsinnaapput, oqarpoq.
AAMMA ATUARUK Nuummi aalakoortorpassuit
