VIDEO Meeqqat atuartut pujortartarnermut akerliusut
Pingasunngormat meeqqat Qaqortumi Tasersuup Atuarfiani atuartut pujortartarneq akuerinagu akerliussutsimik takutitsipput.
Allattoq Kenneth Elkjær
oktobarip 20-at 2016 14:19
Akerliussutsimik takutitsinermi pissutit ilagaat Campus Kujallermi, meeqqat atuarfiata eqqaaniittumi, ilinniartut pujortaraangata Tasersuup Atuarfianut tipi annguttalersimammat.
7.C-mi atuartut akerliussutsimik takutitsinermi aaqqissuisuupput.
- Pujortartartut amerlavallaarput, Meeqqallu atuartut isigitillugit pujortartoqartarluni, atuartoq Vivian Larsen, akerliussutsimik takutitseqataasoq, Qanoruumut oqarpoq.
Inuusuttut Campus Kujallermi ilinniartut Tasersuup atuarfiata eqqaani pujortartartut pujorlu atuartut klassiinut annguttartoq Pia Jensen, ilinniartitsisuusoq, oqarpoq.
Campus Kujallermi ilinniartut ukiaanerani atuanngiffeqarmmata oqaaseqartinneqarsinnaasimanngillat.
Qanoruup ilanngutassiaa takuuk:
