Assi: KNR Arkivfoto

GE: Malittarisassat sukannersut ajornakusoortitsipput

Sulisinnaanermut akuersissutip sivitsorneqannginnera nunami allamiut arlallit misigisimavaat. Sulisitsisut naapertorlugit tamanna inuussutissarsiutinik ingerlataqartut sulisussarsiniarnerannut ajornarnerulersitsivoq.

- Suliap maanna suliarineqartarnera unammillissutigingaatsiarparput, sulisitsisut allaffeqarfiata pisortaa, Karsten Klausen oqarpoq.

Sulisitsisut naapertorlugit nunani allaneersunik - tassa nunani avannarlerninngaanneersuunngitsunik sulisussarsiniarnermut malittarisassat sukateriffigineqarput.

Taamaalillutik nunani allamiut sulisut sapaatip akunneranut akunnerit 40-t sinnerlugit sulisarsimagunik sivitsuinissamut itigartitaasinnaapput.

Malittarisassap allamiut nunatsinni sulisinnaasut suliffissaraluanik arsaarinninnginnissaanut qulakkeerutaasussaagaluarpoq tamannali sulisitsisut isumassaqartinngilaat.

- Suliffeqarfinnik pisariaqanngitsumik nunanit allamiunit tikisitsisartunik nunatsinni peqanngilaq. Maannakkullu pisariaqartunik sulisoqarniarneq ajornakusoortuuvoq.

Sulisitsisut naapertorlugit ilinniarsimasut ilinniarsimanngitsullu amigaataapput.

Sivitsuinissamut itigartitaasartut

Nunani allamiut sulinikippallaarsimasut sulivallaarsimasulluunniit qassit sulisinnaanermut akuersissummik itigartitaasimanersoq paasissutissiissutigisinnaanngilaa.

KNR-ip suliffeqarfiit atiminnilli saqqummersitserusunngitsut arlallit attaveqarfigai taakkulu ajornartorsiut uppernarsarpaat.

AAMMA ATUARUK Kiinamiut suliartortut inissinneqartut

Sulisut nunat allaneersut pisariaqartinneqarput

Sulisitsisut kattuffiata nunatsinni nunaqavissunik sulisoqarniarnerup ajornartorsiutaanera peqqutigalugu nunami allamiut sulisorineqarnissaat pisariaqartinneqartoq erseqqissarpaat.

Akuersissutinillu itigartitsisarneq taamaaginnassappat tamanna nunatsinni ineriartortitsinermut ajalusoortitsisinnaanera sulisitsisut ernumanartoqartippaat.

- Ineriartortitsinermut unikaallatsitsissaaq suliaqarfiillu ilaanni suliassat kingusinaartumik naammassineqartalersinnaapput, sulisitsisut allaffeqarfiata pisortaa, Karsten Klausen oqarpoq. ))

AAMMA ATUARUK Sulisussanik amigaateqarneq nunamut tamarmut ajorsarneruvoq

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!