Politikki

Løkke ikiuuteqqinnissaminut piareeqqavoq

Qallunaat Nunaanni Statministeri Lars Løkke Rasmussen tusagassiuutinut nalunaaruteqarluni oqarpoq Kalaallit Nunaata avannaani ajunaarnersuaqarneranut atatillugu ikiuunnissamut piareersimallutik.

Allattoq Kenneth Elkjær

juunip 20-at 2017 14:45

Uummannap eqqaani maannamut pisut paasiniarlugit Statministerip Naalakkersuisut siulittaasuat Kim Kielsen marlunngonermi attavigisimavaa.

- Nunaqarfinni Illorsuarni Niaqornanilu eqqugaasut qimagutitisinneqarsimasullu misiginneqatigaakka, Statministeri Lars Løkke Rasmussen allalluni taama oqarpoq.

AAMMA ATUARUK Jeg er dybt berørt

Kalaallit Nunaanni Danmarkimilu oqartussat eqqugaasimasut ikiorniarlugit qanimut suleqatigiipput. Soorlu Danmarki politiinik aqqanilinnik Kalaallit Nunaanukartitsisimasoq aamma illersornissaqarfik umiarsualiillunilu timmisartukkut ikiuulluni.

- Naalakkersuisut siulittaasuat pisoq pillugu sapaatiummat ullumilu oqaloqatigaara. Attortisimaqaarlu, Statministeri oqarpoq.

Taassumap ilanngullugu oqaatigaa ajunaarnersuaqarnera maannamut qanimut malinnaaffigalugu.

AAMMA ATUARUK Nuugaatsiami tassaarsuaarnerata kingorna assit siulliit takukkit

AAMMA ATUARUK Danskit Røde Korsiat sms atorlugu katersuinialersoq