Nuugaatsiami tassaarsuaarnerata kingorna assit siulliit takukkit

Issittumi Sakkutooqarfik assinik marlunngormat saqqummiivoq, nunaqarfillu ajunaarnersuup kingorna qanoq isikkoqarnersoq taakkunani takuneqarsinnaalluni. Assit ilanngutassiap qulaani takuneqarsinnaapput.

Umiarsuarmi alapernaarsartuummi Vædderenimi inuttat arfinillit marlunngormat nunaqarfiliarlutik, qimminut nerisikkiartorpaat, Tele Greenlandillu ajutoortoqarnissaanut sillimataat ikikkiartorlugu. Saniatigullu suli maqaasineqartut sisamat nunamiit imaanut qineraluarlugit.

Inuttalli marlunngornermi ullaakkut aallaqqittariaqarsimapput:

- Sikoqarpallaalermat aallaqqippugut. Sarfartorujussuullunilu sikoqaqaaq, taamaammat Illorsuarnukarpugut, Søren Kjeldsen, umiarsuarmi alapernaarsuummi pisortaq oqarpoq.

Illut aqqanillit imaanit amuneqarput, inuit marluk ajoqusingaatsiarput Nuugaatsiarmiullu sisamat suli maqaasineqarlutik. Nunaqarfimmiut sinneri Uummannamukaanneqarput sulilu Uummannamiillutik.

AAMMA ATUARUK Aldrig har jeg set så stærke kræfter

AAMMA ATUARUK Danskit Røde Korsiat sms atorlugu katersuinialersoq