Kim Kielsen: Attortisimaqaanga

Naalakkersuisut siulittaasuata Uummannamut tikinnini ima oqaluttuaraa:

- Siullermik tikikkatta eqqaaniaasoqarpoq, tassani peqataavugut. Attortinnartupilussuuvoq, assut. Inuppassuuupput oqaluffik ulikkaavillugu, maani Uummannami, Kim Kielsen attortisimaqisoq KNR-mut taama oqaluttuarpoq.
Eqqugaasimasut pisortanit Uummannamut qimagussorneqartut eqqissiallassimasut Naalakkersuisut siulittaasuata oqaatigaa.

Uummannamut tikittut ilagaat tarnip pissusaanik immikkut ilisimasallit eqqugaasunut oqaloqarsinnaasut, 
Kielsenillu Nuugaatsiaq qulaatereerlugu takusani aallaavigalugit eqqugaasunut kaammattuuteqarpoq pisariaqartitsisut tunuarsimaaratik oqaloqatiginneqqullugit.

Taassuma innuttaasullu ikiuuttut attortinnaqisumik ikiuukkusussuseqarnerat maluginngitsoorsimanngilaa.

- Qamuuna uanga oqarusuppunga attortippunga, inuit angerlarsimaffitsik ammarlugit taakkua nunaqarfimmiut tikilluaqqullugit maanna Uummannamut, massakkut maanna aamma Aasiannut ilai allamut ingerlanneqarput.
Nangillunilu ima naggasiivoq:

- Aamma oqaqqikusuppunga sineriammiunut tamanut, qujanarujussuaq uumammik pisumik qujavunga naalakkersuisut sinnerlugit taama ann

ertutigisumik ikiuisinnaagassi qujanaq, Kim Kielsen KNR-mut taama oqarpoq.