Kim Kielsen aamma Erik Jensen Uummannamut tikittut

Kim Kielsen aamma Erik Jensen Uummannamut tikeqqammiinnarlutik Uummannap oqaluffiani qinoqatigiinneq peqataaffigaat.

Oqaluffimmi qinoqatigiittoqareermat peqataasut atuarfimmukaapput, tassanilu politiit Qaasuitsup Kommunianeersut aamma Naalakkersuisut oqartussat assigiinngitsut sulinerat pillugit innuttaasunut paasissutissiipput.

Naalakkersuisut tusagassiorfinnut nalunaaruteqarlutik taama allapput.

Naalakkersuisut siulittaasuat najuuttunut misiginneqataanermik oqaaseqarpoq, tamatumalu kingorna upalungaarsimanermut atatillugu Naalakkersuisunit suliarineqartut piffissamilu tulliuttumi iliuuserineqartussat pillugit naatsumik saqqummiussivoq.

Aamma Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoq Erik Jensen ilaqutaasunut najuuttunullu tamanut misiginneqataalluni oqaaseqarpoq, tamatumalu kingorna aamma innuttaasut ikiortissarsiornialerunik oqartussat sorliit attaveqarfigisinnaaneraat nassuiaatigalugu.